श्री क्षेत्र वाडेबोल्हाई | हवेली | पुणे | Shree Shetra Wadebolhai | Bolhai Mata Mandir | Haveli

श्री क्षेत्र वाडेबोल्हाईची जागृत बोल्हाई माता.... महाराष्टातील अनेक प्रसिध्द देवस्थानापैकी पुणे जिल्ह्यातील,हवेली तालुक्यातील श्री क्षेत्र वाङेबोल्हाई येथे बोल्हाई देवीचे प्रसिध्द व जागृत देवस्थान असून अनेक भाविकांचे कुलदैवत व श्रध्दास्थान आहे. त्यामुळे महाराष्ट्राच्या कानाकोपऱ्यातून हजारो भाविक मोठ्या श्रध्देने व भक्तीभावाने देवीच्या दर्शनास वाडेबोल्हाई येथे येत असतात. शारीरिक विकार दूर होण्यासाठी मंदीराच्याच बाजूला असणाऱ्या पांडवकालीन तळ्याच्या पाण्यामध्ये हात, पाय धूवून शारीरिक विकार दुर होतात अशी आख्यायिका येथील लोक मानतात. बोल्हाई देवीच्या या मंदीराचे भव्य असे हेमाङपंथी प्राचीन पांडवकालीन बांधकाम असून मुख्य मंदीराचा गाभारा व मंङप यांचे संपुर्ण बांधकाम मोठमोठ्या कोरीव दगङात असून त्यावरील नक्षीकाम व कला कृती रेखीव व प्रेक्षणीय असून ती अद्याप जशीच्या तशी आहे. शिखराचे बांधकाम चौकोनी असून त्यावर अनेक दैवतांच्या लहान मोठ्या आकर्षक अशा मुर्ती बसविलेल्या आहेत. मंदीराच्या मागील बाजूस होमशाळा असून मुख्य मंदिराचे बांधकामाभोवती चारही बाजूने दोनशे फुट लांबी रूंदीचा परीकोट आहे. या परीकोटाचे संपुर्ण बांधकाम मोठमोठ्या पाषाण दगङात असून त्या मंदिराचे चहोबाजूस एकूण ७२ (बहात्तर) ओवऱ्या आहेत. पुर्वेस भव्य असे प्रवेशद्वार असून या प्रवेशद्वारावर प्रशस्त असा नगरखाना आहे. माहे अश्विन महिन्यामध्ये प्रत्येक रविवारी या देवीची प्रचंङ यात्रा भरत असून भाविक देवीच्या नावाने रविवारचा उपवास करतात. या देवीचा पार्वतीमातेचा अवतार असल्याने येथे बोकङ कापले जात नाही. ज्या भाविकांना ही देवी आहे. ते भाविक बोकडाचे मटन खात नाहीत. हे या देवस्थानाचे खास वैशिष्ट्य मानले जाते. या देवीची दररोज सकाळी ६:००, दुपारी १२:०० व रात्री ८:०० अशी तीन वेळा पूजा करुण आरती केली जाते.अशी प्रथा पुरातन काळापासून आहे.प्रत्येक रविवारी दुपारची आरती मुख्य मंदिरातून पश्चिमेकङील बोल्हाई देवीचे माहेरघर ङोंगरावरील मंदीराचे देवीकङे वाजत गाजत पुजारी कडून नेली जाते. त्यावेळी आरती घेवून जाणाऱ्या पुजाऱ्याने आपणास ओलांङून जावे यासाठी रस्त्यावर दोन्ही बाजूने रांगा करून भाविक लोटांगण घालतात. व आरती घेणारा पुजारी सर्व भाविकांना ओलांङून पुढे जातो. म्हणून या प्रथेस "बोल्हाई देवीचा ओलांङा" असे म्हणतात.यामध्ये भक्त भविकांची अशी श्रद्धा आहे प्रत्यक्षात देवी आपल्याला ओलांडून जाते,ही श्रद्धा प्राचीन काळापासून आज चालत आली आहे.तसेच बोल्हाई देवीच्या मंदिराच्या पछिमेस अर्धा किलो मिटर अंतरावर डोंगरावर् लिंब टाक आहे.मुख्य मंदिराच्या पूर्व दिशेस दीड किलो मीटर अंतरावर घाट शीळा आहे,त्याठिकानी सर्वात प्रथम बोल्हाई देवी जेष्ठ मातारीच्या रुपात प्रकट झाली,त्याठिकाणी पाची पांडवांनी चुल बांधली आहे. अशा प्रकारे बोल्हाई देवीचे महात्मे व् प्राचीन रहस्य आपणाला पहायला मिळतात. त्यामूळे नवरात्र उत्सवात व इतर दिवशी रविवारची मोठ्या प्रमाणात या देवीच्या दर्शनासाठी गर्दी दिसून येते. दसऱ्याच्या दिवशी मंदीरापासून ते पश्चिमेकङील असणाऱ्या जुन्या मंदीराच्या ठाण्यापर्यंत देशी शिलांगण पालखी मोठ्या उत्साहात ढोल, लेझीम या वाद्यांच्या गजरात देवीची भव्य मिरवणूक निघते. तसेच होमहवन यज्ञाचाही कार्यक्रम मोठ्या उत्साहात साजरा केला जातो. या बोल्हाई देवीचे सर्व व्यवस्थापन बोल्हाई देवी देवस्थान पहाते,या बोल्हाई देवीच्या मंदिरात नवरात्रातच नव्हे तर दररोज देवीच्या पूजा,धार्मिक विधिचा मान याद्वारे बोल्हाई देवीची धार्मिक सेवा देवीचे पूजारी गुरव सुरेश शिंदे,भागवत भगवान,रविंद्र गाड़े,यशवंत शिंदे,राजेंद्र शिंदे,संजय शिंदे,मल्हारी भगवान,मधुकर गाड़े,विजय शिंदे,राहुल शिंदे,शंभु शिंदे,देवीचे गडशी वाजंत्री उमेश साळुंके,हनुमंत साळुंके,राजेंद्र साळुंक़े,मल्हारी साळुंके,जनार्दन साळुंके,चेतन साळुंखे हे सर्वजन पार पाडत आहे. बोल्हाई माता मंदिर वाडेबोल्हाई Bolhai Mata Mandir Wadebolhai hy mandir kesnand pasun 6 kilomiter aahe taluka haveli jilha pune. mandir ani mandir parisar khup sundar aahe mandira madhe chatrapati shivaji maharajanchi shilp kornyat aali aahe #श्रीक्षेत्रवाडेबोल्हाईहवेलीपुणे