ICEના એજન્ટ્સ હવે ગમે તેને ગોળી મારી દેશે કે શું?

અમેરિકામાં કોઈ સ્ટેટસ વિના રહેતા લોકોએ હવે માત્ર ICE દ્વારા કરાતી ધરપકડો જ નહીં પરંતુ તેના એજન્ટોની ગોળીથી પણ બચીને રહેવું પડશે. તમારા નામનો કોઈ ડિપોર્ટેશન ઓર્ડર પેન્ડિંગ નહીં હોય અને ICE પાસે તમારું અરેસ્ટ વોરન્ટ નહીં હોય તો પણ તમારા પર ગોળીબાર થઈ શકે છે. જો તમારો અસાયલમનો કેસ પેન્ડિંગ હોય અને તમારી પાસે વર્ક પરમિટ હોય તો પણ એવા વ્હેમમાં ના રહેતા કે ICEના એજન્ટ્સ તમને કશુય નહીં કરે. આ ડર એટલા માટે વ્યક્ત કરવામાં આવી રહ્યો છે કારણકે છેલ્લા સાત દિવસમાં ICEના એજન્ટ દ્વારા કરાયેલા શૂટિંગમાં કુલ બે લોકોના મોત થઈ ગયા છે જેમાંથી એક અનડોક્યુમેન્ટેડ ઈમિગ્રન્ટ પાસે તો વેલિડ વર્ક પરમિટ પણ હતી.