ગ્રીન કાર્ડ છોડીને કાયમ માટે ઈન્ડિયા પાછા આવી જતા પહેલા શું ધ્યાન રાખશો?

ગ્રીન કાર્ડ સરેન્ડર કરાવીને કોઈ ઈન્ડિયા પાછા આવી જવાનું વિચારી પણ શકે? તેમાંય ગુજરાતીઓ તો ક્યારેય આવું ના કરે, પણ અમુક સંજોગોમાં મજબૂરી માણસને આમ કરવાની ફરજ પાડી શકે છે અને યુએસમાં રહેતા કેટલાક ગુજરાતીઓ સાથે કંઈક આવું જ થઈ રહ્યું છે. છેલ્લા કેટલાક દિવસોમાં અમેરિકામાં વસતા અમુક સિનિયર સિટીઝન્સે IamGujaratનો સંપર્ક કરીને ગ્રીન કાર્ડ રિટર્ન કરી ઈન્ડિયા પાછા આવી જવા માટે શું કરી શકાય તે અંગે માહિતી માગી છે, તેમાંના કેટલાક લોકોએ આમ કરવા પાછળના કારણની વિગતવાર ચર્ચા કરી છે જ્યારે ઘણાએ તેને પોતાની અંગત બાબત ગણાવી તેના વિશે વધારે કોઈ ચર્ચા કરવાનું ટાળ્યું હતું.