Өзбекәлі Жәнібеков: біз білмеген көп тұсы | Мәдени майдан | Оған кім кедергі келтірді?

Қазақ тарихында ерекше тұлғалар болған. Олардың ерекшелігі бір ғана қызметтің шеңберінде қалып қоймағаны. Мемлекеттік қызметті атқара тұра халықтың мұрасын түгендеп, ұлттық өнерді қайта тірілтіп, жоғалтқанымызды іздеп, табылғанын елге қайтарып отырады. Өзбекәлі Жәнібеков — дәл сондай феномен. Ол — кеңестік жүйенің қатал тәртібінде жүріп-ақ ұлттық мәдениетті қорғауға ұмтылған, тарихи сананы жаңғыртуға еңбек сіңірген, елдің дәстүрлі өнерін сақтауға күш жұмсаған нағыз қайраткер. “Тағдыр тағылымы” авторлық кітабында оның қоғамдық бейнесі: ұрпақ тәрбиесі, ұлттық мәдениет, дәстүрлі өнер, тарихи-мәдени ескерткіштерді қорғау бағытындағы еңбегі айқын суреттелген. Мен бүгін Өзбекәлі Жәнібековтің өмір жолы мен қызмет баспалдақтарын, ел есінде қалған оқиғаларды және мәдениетке қосқан үлесін талдап, таразылаймын.