CENTRAL TÉRMICA DAS PONTES: Memoria dende as súas entrañas

"Central térmica das Pontes: Memoria dende as súas entrañas" é un documental que recolle os últimos días de funcionamento da maior central térmica de España a través dos testemuños dos que a coñeceron e viviron desde dentro. Un percorrido pola súa historia, o seu funcionamento, a súa importancia para As Pontes, Galicia e o Estado, e tamén pola memoria humana e industrial que hoxe forma parte do noso patrimonio colectivo. Unha homenaxe ás persoas que a fixeron posible e unha reflexión sobre a necesidade de conservar a memoria dun dos capítulos máis importantes da historia industrial galega.