WAKULIMA WA UFUTA WILAYA YA SONGWE WAINGIZA SH3 BILIONI MNADA WA KWANZA

Wakulima wa ufuta katika wilaya ya Songwe wameingiza zaidi ya Sh3 bilioni kwenye mnada wa kwanza wa ufuta wa msimu wa biashara wa 2026/27 uliofanyika Ijumaa, Mei 8, 2026. Mnada huo uliofanyika kupitia mfumo wa kidijitali uliuza tani 1,923 za ufuta ndani ya saa chache, huku zaidi ya kampuni 10 zikishiriki kununua. Akizungumza wakati wa mnada huo, Ofisa Mwandamizi wa Uendeshaji wa Biashara wa Soko la Bidhaa Tanzania (TMX), Justa Martini, amesema mwitikio wa soko ulikuwa mzuri na ushindani kati ya wanunuzi ulisaidia kupandisha bei. “Leo tumefanya mnada wa kwanza wa ufuta kwa Mkoa wa Songwe. Tulileta tani 1,923 sokoni na mnada ulienda vizuri, huku zaidi ya kampuni 10 zikishiriki,” amesema. Kwa upande wake mkulima wa ufuta kutoka Songwe wamesema mnada umeenda vizuri na umeridhisha. Mbali na mkulima huyo Pelagia Joseph mkulima wa ufuta ameshukuru kwa mnada ulivyoendeshwa. Mnada unaofuata wa ufuta unatarajiwa kufanyika Kamsamba, Mei 9, 2026 Wilaya ya Momba, ambapo wadau wanatarajia biashara kuendelea vizuri na bei kubaki nzuri kadri mazao zaidi yatakavyoingia sokoni.