امامِ وقت کے سامنے اہلِ بیتؑ کی سیرت: فقط اطاعت

حضرت علی اکبرؑ مدینہ سے امام حسینؑ کے ساتھ تھے، مگر تاریخ میں ان کا نمایاں ذکر پہلی مرتبہ ثعلبیہ میں آتا ہے۔ کیوں؟ کیونکہ اہلِ بیتؑ کا شیوہ یہ تھا کہ جب امامِ وقت موجود ہوں تو صرف اطاعت ہوتی ہے، خود نمائی نہیں۔ امام حسنؑ، امام حسینؑ اور حضرت عباسؑ سمیت تمام اہلِ بیتؑ نے اپنے امام کے سامنے کامل ادب، خاموشی اور فرمانبرداری کا نمونہ پیش کیا۔ انہوں نے مشورے، اعتراض یا اپنی رائے سے آگے بڑھنے کے بجائے امام کے فیصلے کو ہی اپنا فیصلہ بنایا۔ حقیقی اطاعت یہی ہے کہ زبان سے پہلے فرمانِ امام کو ترجیح دی جائے، اور رہبر کے مقابلے میں اپنی رائے کو نمایاں نہ کیا جائے۔ اطاعت کا تقاضا یہ ہے کہ زبانیں قابو میں ہوں، نگاہیں جھکی ہوں، اور فیصلہ امام کا ہو۔