ශ්‍රී ලංකාවේ ජෛව විවිධත්වය හා එහි සංරක්ෂණය | මහාචාර්ය සිරිල් විජේසුන්දර

#nifs #lka විශ්වයටම රටාවන් මවනා තුරුලතාවෝ ගසක, මලක, තුරු වදුලක හැංගී තිබෙන මී වදයක, පියඹා යන සමනළ රැනක පමණක් නොව හිමිදිරි අහසක ඇදෙන, මැවෙන නෙක රටාවෝ ඔබ අත් විද නැති බව නම් නොරහසකි. විශ්වයටම නෙක රටාවන් මවන තෝතැනනක් ලෙස අප රට බෝහෝ බටහිර විද්වතුන්ගේ, සාහිත්‍යදරයන්ගේ පොත් පිටු අතරට එක් වු බව ශ්‍රීමත් එමසන් ටෙනන්ට් දක්වා ඇත්තේ ඔහුද එම රටාවන්ගෙන් තෘප්තිමත් වු අයකු නිසාමය. විවිධ ජීවී රටාවන් කාලයක් පුරාවට පරිසරය හා එක්ව පරිණාමය වු කල එය ජෛව විවිධත්වය ලෙස අප අත්විදිනු ලබයි. අප අවට ඇති ජීවින්ගෙන් සමන්විත පරිසර පද්ධති, ජිවි විශේෂ හා ඒවායේ ජානමය විවිධත්වය ජෛව විවිධත්වය ලෙස විදු බසින් අර්ථකතනය කෙරේ. ශ්‍රී ලංකාවේ ජෛව විවිධත්වය ඉතා සුවිශේෂි වන අතර එයට එක් හේතුවක් වි ඇත්තේ අප රට විවිධ පරිසර පද්ධතීන්ගෙන් සමන්විත වීමයි. එසේම අප රටට ආවේණික සතුන් හා ශාක විශාල ප්‍රමාණයක් පැවතීමටද එක් හේතුවකි. මුලික වශයෙන් ගත් විට විවිධාකාර පරිසර පද්ධතීන් එනම් වනාන්තර, තෙත්බිම්, පතන් බිම් හා වගා බිම් මෙන්ම එකිනෙකට වෙනස් වු වෙරළ තිරයන්ද රට පුරා දැකිය හැකිය. වර්තමානය ගත් කළ ජනගහනය වැඩි වීමත් සමග මානව ක්‍රියාකාරකම් ඉහළ යාම නිසාත්, ප්‍රතිපත්තිමය ගැටලු නිසාත් ජෛව විවිධත්වය විශාල ලෙස තර්ජනයට ලක් වී ඇත. පරිසරයට ඇල්මක් දක්වන අයවලුන් ලෙස ඔබට සේම මටද මෙම විවිධත්වයන් මතු පරපුරට උරුම කර දීම වෙනුවෙන් කල යුතු කාර්යයභාරයක් ඇති බව අමතක නොකරන්න.