နှစ်သိန်းတန် ကနေ သိန်း ၁၂၀ ထိ (အမေး-အဖြေ) မောင်စိုးသူရထွန်း သုတစုံလင် ဗုဒ္ဓဝင် ပြိုင်ပွဲ

သိန်း 120 တန် မေးခွန်းကို အောက်မှာ ရေးပေးထားပါတယ်‼️ ( ၁၀ ) ကြိမ်မြောက် သုတစုံလင်ဗုဒ္ဓ၀င် ပြိုင်ပွဲ၌ သိန်း 60 ဖြင့် Winner ဖြစ်ခဲ့သော မောင်စိုးသူရထွန်း ပဲခူးတိုင်း အုတ်တွင်းမြို့ ဂုဏ်ဆောင် ရေအိုးစင် ဓမ္မစကူးလ်မှ ဖြစ်ပါတယ်။ ကျွန်တော်တို့ သားသမီးတွေလဲ ဂိမ်းစွဲနေတဲ့ချိန် မြန်မာနိုင်ငံလုံးဆိုင်ရာ သုတစုံလင်ဗုဒ္ဓ၀င် ပြိုင်ပွဲကြီးရဲ့ ( ၁၀ ) ကြိမ်မြောက် ပြိုင်ပွဲကြီးရဲ့ Winner ပေါ်ထွက်လာခဲ့ပါပြီ။ မနေ့က တိုက်ရိုက်ထုတ်လွှင့်မူ့ဖိုင်နယ်ပွဲကို ကြည့်လိုက်ရတယ်ဗျ ။ ဒီကလေး ဖြေဆိုသွားတာတွေ အေးချမ်းပြီး တည်ငြိမ်နေတာပဲ ။ တချို့မေးခွန်းတွေ အောက်က ပရိတ်သတ်တွေ သိဖို့ ဝေးစွ ၊ ဗုဒ္ဓ၀င် အတွဲအားလုံးကို သေချာလေ့လာထားတဲ့ သူတွေတောင် တခါတ‌လေ ဇေဝဇဝါပဲ။ ဒီကလေးက တစ်ခုချင်း လက်အုပ်လေး ချီပြီး အေးဆေး တည်ငြိမ်စွာ ဖြေသွားပါတယ်။ ကြည့်ရတာလဲ အတော် အားရကျေနပ်ဖို့ ကောင်းတယ်။ သိန်း 60 တန် မေးခွန်းထိ အေးဆေး ဖြေနိုင်ခဲ့တယ်။ နောက်ဆုံး ဖိုင်နယ်မေးခွန်းဖြစ်တဲ့ သိန်း 120 တန် မေးခွန်းမှာ ဇဝေဇဝါ ဖြစ်ဟန်တူပါရဲ့ ဖြေဆိုမှုကို သိန်း 60 နဲ့ ရပ်တန့်မလား❓ ဆက်ဖြေလို့ မှားသွားရင် ရထားတဲ့ သိန်း 60 ဆုံးရှုံးမယ်။ ဆက်ဖြေလို့ မှန်သွားခဲ့ရင်တော့ သိန်း 120 နဲ့ Winner ဖြစ်မယ်။ က‌လေးက သိန်း 60 မေးခွန်းထိပဲ ယူပြီး နောက်ဆုံး သိန်း 120 တန် မေးခွန်းကို ရပ်တန့်လိုက်တယ် ဆက်မဖြေတော့ဘူး။ ကိုကျော်ထက်အောင်နဲ့ ဘုန်းဘုန်းက သေချာအောင်နောက်တစ်ကြိမ် ထပ်ပြီး အခွင့်ရေးပေးတယ် ရှေ့ဆက် ကစားမလား နားမလားပေါ့။ ကလေးက ဘဲလ် တီးပြီး ပြိုင်ပွဲကို ရပ်နားလိုက်တဲ့အတွက် သိန်း 60 နဲ့ပဲ Winner ဖြစ်ခဲ့ရတယ်ပေါ့။ ဒါပေမဲ့ ဘုန်းဘုန်းက သိပ်မကျေနပ်ဘူး။ ဒီကလေးရဲ့ ဇကို သိတဲ့အတွက် အစမ်းလေးတော့ ဖြေသွားပေး သားရယ်ပေါ့။ ကလေးက ပြုံးပြီး ဖြေကြည့်ပါ့မယ် ဘုရားပေါ့။ အဖြေက အနာဂါမ် ဆိုပြီး သွားမှန်နေပြန်ရော။ သိန်း 120 တော့ မရတော့ဘူး။ ဒါပေမဲ့ ဒီကလေး တော်တယ်ဆိုတာ အားလုံးသိပြီးသားမို့ 120 တန် မေးခွန်းလဲ မှန်မယ်ဆိုတာ သိလို့ ဖြေခိုင်းခဲ့တာပါ။ ဒီမေးခွန်းအဖြေကို ကိုကျော်ထက်အောင်ရော အောက်က ကြည့်နေတဲ့ ပရိတ်သတ်တွေရော မသိခဲ့ပါဘူး။ ဗဟုသုတ တိုးသွားခဲ့ပါတယ်။ ဒါကြောင့် ဒီနှစ်တော့ သိန်း60နဲ့ Winner ဖြစ်ခဲ့တာကြောင့် နောက်နှစ်မှာ ဖြေရမဲ့ ပြိုင်ပွဲ၀င်တွေဟာ ဒီနှစ် သိန်း120 ကို သိန်း 60 ထပ် ပေါင်းပြီး နောက်နှစ် Winner ဟာ သိန်း 180 အထိ ရရှိသွားမှာ ဖြစ်ပါတယ်။ " သိန်း ၁၂၀ တန် မေးခွန်း "❓ ======================= သာကီ၀င်မင်းသား ၆ ဦး + ဥပါလိဆတ္တာသည်တို့ ရှင်ရဟန်းပြုချိန်တွင် သုဒ္ဓေါဒန မင်းကြီးသည် လောကုတ္တရာ တရားထူး အမြင့်ဆုံး ဘယ်အဆင့်ထိ ရရှိခဲ့သနည်း ။ အဖြေ = အနာဂါမ် လို့ ကလေးက အစမ်းဖြေပြ သွားပါတယ်။ ပြိုင်ပွဲက သူရပ်တန့်ထားပြီးသားမို့ အဖြေမှန်ခဲ့သော်လည် သိန်း 60 နဲ့ သာ ကျေနပ်လိုက်ရပါတယ်။ ရပ်တန့် ထားခဲ့ပြီးသားမို့ သိန်း 120 ကတော့ နောက်နှစ် Winner အတွက် ဖြစ်သွားခဲ့ပါပြီ။ နှမြောလိုက်တာ ညီလေးရာ ... ။ ဒါပေမဲ့လည်း ဂုဏ်ယူတယ် ညီလေးအတွက် 👏 ဗုဒ္ဓဘာသာကို မိရိုးဖလာသာသာအဖြစ် မခံပဲ မိမိရင်သွေးငယ်တွေ ဘာသာတရားနဲ့ နီးစပ်အောင် ဓမ္မစကူးလ်မှာ သင်ကြား ပြသပေးနေတာမို့ ပေါ့သေးသေးတော့ မထင်လိုက်ပါနဲ့။ ပြန်လည်မျှဝေပါတယ် #buddha #သုတစုံလင်ဗုဒ္ဓဝင်ပြိုင်ပွဲ