Tensionohet fushata zgjedhore e partive shqiptare në Maqedoni - (30 Maj 2008)

Lajme arkiva 2008 Tensionohet fushata zgjedhore e partive shqiptare në Maqedoni. Para tubimit përmbyllës të Bashkimit Demokratik për Integrim në Tetovë, disa dhjetëra përkrahës të kësaj force politike janë ndaluar dhe keqtrajtuar nga persona ende të paidentifikuar nga policia, por që mendohet të jenë përkrahës të PDSH-së së Mendu Thaçit. Ata janë keqtrajtuar ndërsa ishin duke udhëtuar drejt Tetovës. Televizioni Klan ishte në fshatin Novoselë, 40 km në Malësi të Tetovës dhe intervistoi njërin prej tyre, i cili pasi mori ndihmën e parë në spital shkoi më pas në shtëpinë ne tij në këtë fshat. Desada Metaj: “Ndodhemi këtu në fshatin Novoselë, i cili ndodhet rreth 20 km larg Tetovës. Këtu është regjistruar edhe incidenti i radhës ku përkrahës të Bashkimit Demokratik për integrim janë qëlluar me armë dhe më pas janë keqtrajtuar nga persona ende të paidentifikuar. Gazetarja: Si ndodhi ngjarja? Qytetari: “Ngjarja, isha rrugës duke shkuar në tubim, papritmas dolën me kallashnikov, zunë të gjuajnë, më rrahën sa deshën, shokët mi rrahën.” Pas përfundimit të tubimit, rruga që lidhte Tetovën me Shkupin qëndroi për disa orë e bllokuar, kjo pasi policia ndaloi dhe shoqëroi për në komisariat disa persona pjesëmarrës për në tubimin e BDI-së. Pas lirimit të tyre situata u qetësua dhe rruga u la e lirë. Po mbrëmë Partia maqedonase në opozitë Lidhja Socialdemokrate bllokoi stacionin policor të Kërçovës pas arrestimit të sekretarit të kësaj partitë në këtë qytet. Sipas tyre policia e kontrolluar nga koalicioni i udhëhequr nga Nikolla Gruevski VRMNO-DPMNE po ushtron masa të dhunshme dhe presione politike./tvklan.al Gazetare: Urita Dokle SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/