#PRABODHINI ||°°° VISHNU SAHASRANAMASTHOTHRAM°°°||

ശ്രീമഹാഭാരതത്തിലെ അനുശാസനപർവ്വത്തിൽ 149-മത്തെ അധ്യായത്തിലാണ് വിഷ്ണുസഹസ്രനാമസ്തോത്രം ഉൾക്കൊള്ളുന്നത്. മഹാഭാരതയുദ്ധത്തിന് ശേഷം പാണ്ഡവന്മാർ ശ്രീകൃഷ്ണസമേതം ശരശയ്യാവലംബിയായിരുന്ന ഭീഷ്മപിതാമഹനെ സന്ദർശിച്ചു. ✴️ഈ ലോകത്തു ഒരേയൊരു ദൈവമുള്ളതു ആരാണ്? ✴️ഏകവും പരവുമായ അയനം ഏതാണ്? ✴️ഏത് ഈശ്വരനെ സ്തുതിക്കുകയും അർച്ചിക്കുകയും ചെയ്താൽ മനുഷ്യന് ശുഭപ്രാപ്തി ഉണ്ടാകും? ✴️സർവ്വധർമ്മങ്ങളിലും വെച്ച് ഏറ്റവും ശ്രേഷ്ഠമായ ധർമ്മം ഏതാണ്? ✴️എന്ത് ജപിച്ചാലാണ് ഈ ജീവൻ ജന്മസംസാരബന്ധനത്തിൽ നിന്ന് മുക്തനാവുന്നത്? എന്നിങ്ങനെയുള്ള യുധിഷ്ഠിരന്റെ ചോദ്യങ്ങൾക്ക് ഭീഷ്മപിതാമഹൻ നൽകുന്ന മറുപടിയാണ്, ജഗത്പ്രഭുവും ദേവദേവനും അനന്തനും പുരുഷോത്തമനുമായ മഹാവിഷ്ണുവിനെ സഹസ്രനാമങ്ങൾ കൊണ്ട് കീർത്തിക്കുന്ന പുരുഷൻ എല്ലായ്പ്പോഴും ദുഃഖവിമുക്തനായിത്തീരും എന്നത്. ശ്രീകൃഷ്ണൻ സാക്ഷാൽ പരമാത്മാവാണെന്ന തിരിച്ചറിവുള്ള ഭീഷ്മപിതാമഹൻ ഭഗവാനെ മുന്നിൽകണ്ട് സഹസ്രനാമങ്ങൾ കൊണ്ട് സ്തുതിക്കുകയും യുധിഷ്ഠിരാദികൾക്ക് ഉപദേശിക്കുകയും ചെയ്തു. മോക്ഷപ്രാപ്തിക്ക് ഉതകുന്ന വിഷ്ണുസഹസ്രനാമസ്തോത്രം നിത്യവും ജപിക്കുന്നത് ഉത്തമമാണ്.