Tv Klan - Kanabisi në Zall Herr, “furtunë” në Ushtri | Lajme News

125 rrënjët e kanabisit të zbuluara në repartin e Zall Herrit, do t’i kushtojnë lirimin nga detyra 14 ushtarakëve, të Batalionit të Luftimit, Forcës Tokësore dhe Policisë Ushtarake. 4 prej ushtarakëve janë liruar menjëherë nga detyra dhe nxjerrë në dispozicion ndërsa për 10 të tjerë është propozuar lirimi. Vendimi i marrë nga Shtabi i Përgjithshëm i Forcave të Armatosura erdhi pas hetimit të brendshëm që u krye pas zbulimit të rastit të kultivimit brenda repartit të Zall Herrit. 10 ushtarakët për të cilët është propozuar lirimi mbajnë pozicionet të rëndësishme si ai Komandantit, Shefi i Seksionit të Zbulimit, Agjent Krimesh në Policinë Ushtarake e specialist për gatishmërinë e operacionet. Masa disiplinore me paralajmërim janë dhënë edhe për Shefin e Sektorit të Policisë Kriminale në Policinë Ushtarake dhe Ekspertin e Ekzaminimeve Kompjuterike. Nisur nga rasti i kultivimit në repartin ushtarak të Zall Herrit për të cilin në pranga përfunduan 3 ushtarakë, Shtabi i Përgjithshëm i Ushtrisë ka urdhëruar të kontrollohet çdo repart në mënyrë të imtësishme megjithëse shprehet se ngjarja e ndodhur nuk ka cenuar disiplinën, gatishmërinë apo dhe operacionalitetin e strukturave, e as nuk ka ndikuar në uljen e moralit të personelit ushtarak dhe civil. 3 ushtarakët e arrestuar u lanë në burg nga gjykata edhe pse ata mohuan të kishin lidhje me drogën duke argumentuar se e kanë pasur të pamundur të kontrollojnë 140 hektarët e bazës. Tv Klan #kanabis #zallherr #ushtri SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/