Hesus a kanta, Hesus a resa - Renobashon Karismátiko- Ministerio Músika Lus i Amor- Pentekòster 2026

Ministerio di Músika Lus i Amor ta kanta –“Hesus a kanta, Hesus a resa” - Vigilia di Pentekòster 2026 Renobashon Karismátiko Katóliko Kòrsòu (bou di guia di Rumannan Joanne Concencion i Chris Kras) a organisá “Vigilia di Pentekòster 2026” na Misa di Groot Kwartier (Parokia La Birgen del Carmen), musikalmente animá pa “Ministerio di Músika Lus i Amor”. Tabata un anochi kargá ku diferente bunita kantika spesial di Pentekòster, Alabansa, Orashon i tambe charlanan presentá pa Rev. Oscar Cuellar Renteria, ruman Chris i Rev. Ivan Dario Perez-Gomez. Komo sorpresa masha agradabel riba e anochi aki Pastor Rev. Morrison LaPorte a presentá un bunita “enkuentro ku Spiritu Santu” atraves di tur hende hòmber presente, ku kanto i orashon i fielnan por a sinti e manifestashon i presensia real di Spiritu Santu. Pa 12 or di anochi a selebrá Santa Eukaristía di Selebrashon Fiesta di Pentekòster presidí pa Rev. Ivan Dario Perez-Gomez, akompañá pa Rev. Richard Colastica, Diákono. Djasabra 23/24 di mei 2026.