Oh Spiritu Santu - Kor Grace of God - Sakramentu di Konfirmashon - Mgr Luis A. Secco - 6 yüni 2026

Kor Grace of God ta kanta “Oh Spiritu Santu yena nos ku Bo”. Entrada di Selebrashon di Santa Eukaristía ku Sakramentu di Konfirmashon, presidí pa Mgr Luis A. Secco, Obispu Emérito i ko-selebrá pa Rev. Oscar Cuellar Renteria, akompañá pa Rev. Diákono Roy Bernabela, i musikalmente animá pa “Kor Grace of God”. Nos hóbennan ku ta bai konfirmá, a hasi nan promesa na Kristu i nan a renobá nan Promesa di Boutismo. Konfirmashon ta imprimí un marka spiritual den boso alma ku hamas por kita. Hesukristu a marka boso ku e signo di su Spiritu dor di yena boso ku forsa ku ta bin djariba pa ta su testigu. E Sakramentu di Konfirmashon a wòrdu administrá pa Obispu Mgr Luis A. Secco. Kòrda pues, ku boso a risibí e signo spiritual, e Spiritu di sabiduría i inteligensia, e Spiritu di konseho i di fortalesa, e Spiritu di konosementu i di piedat, e Spiritu di un temor santu. Kuida loke boso a risibí. Tata Dios a marka boso ku su signo, Kristu Señor a konfirmá boso i a pone den boso kurason e prenda di Spiritu. Santa Eukaristia selebrá na Parokia La Birgen del Carmen, Groot Kwartier, Kòrsòu riba 6 di yüni 2026.