ထိုင်း- မြန်မာနယ်စပ်က ငွေလိမ်ဂိုဏ်းတွေ စစ်တပ်ထိန်းချုပ်မှုအောက်ရွှေ့ (ရုပ်/သံ)

ထိုင်းနိုင်ငံဝန်ကြီးချုပ် အနုတင်နဲ့ အမေရိကန် FBI ညွှန်ကြားရေးမှူး မစ္စတာ ကရှ်ပါတေးတို့ဟာ ပြီးခဲ့တဲ့ ဇူလိုင်လ ၂၀ ရက်နေ့က ဘန်ကောက်မှာ တွေ့ဆုံခဲ့ပြီး အွန်လိုင်းငွေလိမ်လုပ်ငန်းတွေကို အမြစ်ပျက်တိုက်ဖျက်ဖို့ ပူးပေါင်းဆောင်ရွက်မှုတွေ မြှင့်တင်သွားဖို့ ဆွေးနွေးခဲ့ကြပါတယ်။ အမေရိကန်အစိုးရအနေနဲ့လည်း အာဆီယံဒေသတွင်းက ငွေလိမ်ဂိုဏ်းအပါအဝင် နိုင်ငံဖြတ်ကျော် ရာဇဝတ်မှုတွေကို ထိရောက်စွာ နှိမ်နှင်းနိုင်ရေးအတွက် အမေရိကန်ဒေါ်လာ ၂ ဒသမ ၅ သန်း ထောက်ပံ့သွားမှာဖြစ်တယ်လို့ ထုတ်ပြန်ထားပါတယ်။ တချိန်တည်းမှာပဲ ထိုင်း-မြန်မာနယ်စပ် သောင်ရင်းမြစ်ဘေးတလျှောက်က ငွေလိမ်ဂိုဏ်းတွေဟာ အာဏာသိမ်း စစ်တပ် ထိန်းချုပ်ရာ ကုန်းတွင်းပိုင်းဒေသတွေထိ ပြောင်းရွှေ့နေကြကြောင်း ငွေလိမ်ဂိုဏ်း စောင့်ကြည့်နေတဲ့ သတင်းရင်းမြစ်တွေက ဧရာဝတီကို ပြောပါတယ်။ #မြန်မာ #ဧရာဝတီ #ငွေလိမ်ဂိုဏ်း #Scammer #DKBA #KNA #BGF #WhatsHappeningInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation