TNLA ဘာကြောင့် နေပြည်တော်သွားလဲ (ရုပ်/သံ)

တအာင်းအမျိုးသားလွတ်မြောက်ရေးတပ်မတော် (PSLF/TNLA) ကိုယ်စားလှယ်အဖွဲ့ဟာ ပြီးခဲ့တဲ့ ဇူလိုင်လ ၁၉ ရက်နေ့က နေပြည်တော်ကိုသွားရောက်ပြီးအာဏာသိမ်းအစိုးရရဲ့ အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) တွေ့ဆုံဆွေးနွေးခဲ့ပါတယ်။ အခုလို TNLA ဘက်က နေပြည်တော်အထိ သွားရောက်ဆွေးနွေးရတဲ့ အကြောင်းရင်းဟာ တရုတ်အစိုးရရဲ့ ဖိအားပေးမှုတွေအပြင်၊ မိမိတို့ထိန်းချုပ်ထားတဲ့ နယ်မြေအတွင်းက ဒေသခံတွေရဲ့ လုံခြုံရေးနဲ့ နယ်မြေတည်ငြိမ်ရေးကို ရှေးရှုတာကြောင့်ဖြစ်နိုင်တယ်လို့ နိုင်ငံရေးလေ့လာသူတွေက သုံးသပ်နေကြပါတယ်။ TNLA အနေနဲ့ ၁၀၂၇ စစ်ဆင်ရေးအတွင်း နွေဦးတော်လှန်ရေးတပ်ဖွဲ့တွေနဲ့ ပူးပေါင်းပြီး စစ်ရေးအောင်မြင်မှုတွေ ရယူနိုင်ခဲ့ပေမဲ့၊ အခုလို စစ်အုပ်စုနဲ့ နေပြည်တော်မှာ သွားရောက်တွေ့ဆုံဆွေးနွေးမှုဟာ တော်လှန်ရေးအပေါ် သစ္စာဖောက်ရာရောက်တယ်လို့ ဝေဖန်ခံနေတာတွေလည်းတွေ့ရပါတယ်။ ဒါပေမဲ့ နိုင်ငံရေးလေ့လာသုံးသပ်သူတွေကတော့ TNLA အနေနဲ့ သူတို့ရင်ဆိုင်နေရတဲ့ ဖိအားတွေ၊ နယ်မြေတည်ငြိမ်ရေးနဲ့ လုံခြုံရေး အန္တရာယ်တွေကို ဖြေရှင်းနိုင်ဖို့အတွက် စစ်တပ်ကို မယုံပေမယ့် စကားပြောတဲ့ လမ်းကြောင်းကို နည်းဗျူဟာမြောက် ရွေးချယ်ခဲ့တာဖြစ်နိုင်တယ်လို့ သုံးသပ်ပြောဆိုနေကြပါတယ်။ နေပြည်တော်မှာ ပြုလုပ်ခဲ့တဲ့ အာဏာသိမ်းအစိုးရရဲ့ NSPNC နဲ့ TNLA တို့ရဲ့ ဆွေးနွေးပွဲမှာ TNLA ဘက်က အချက် ၁၅ ချက် တောင်းဆိုဆွေးနွေးခဲ့ပေမဲ့ စစ်အုပ်စုဘက်က လိုက်လျောမှု တစုံတရာ မရှိခဲ့ဘူးလို့ ထွက်ပေါ်လာတဲ့ မှတ်တမ်းတွေအရသိရပါတယ်။ #မြန်မာ #ဧရာဝတီ #တရုတ် #TNLA #NSPNC #MNDAA #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation