بۆ کچە نانفرۆشی سەر جادە | شیعری چاوە | Bangewaz

📡 Telegram — unreleased audio & lyrics: https://t.me/+qoB6kFU6WuoyMjQ5 📸 Instagram — short clips & visuals:   / music.bangewaz   https://www.facebook.com/profile.php?... X - https://x.com/BangewazMusic *بۆ کچە نانفرۆشی سەر جادە* شیعری چاوە ئەم شیعرە وێنەیەکی مرۆڤایەتییە لە ژیانی کچێکی نانفرۆش لە شەوە درەنگەکانی شار؛ چیرۆکی ماندووبوون، هیوای ژیان، خەمی دایک، و ئەو دەنگانەی کە زۆرجار لە ژێر دەنگی شاردا ون دەبن. بانگەواز پێشکەشی دەکات بۆ ڕێزگرتن لە شیعر، ئەدەب و مێژووی کوردی. ━━━━━━━━━━━━━━ ✍️ شیعر: چاوە 🎼 پڕۆژە: بانگەواز (Bangewaz) ━━━━━━━━━━━━━━ بۆ کچه نان فرۆشی سەر جاده ئەی کچه نان فرۆشکه ! شەو درەنگه هاتا کەی ناگەڕێیتەوه درەنگ وەخته و شار بێ خاوەن تا کەی له سەر ئەم جادەیه ئەمێنییەوه ؟ ئەتبینم سرک و بێئۆقرەی وەک بێچووە ئاسکی بەجێماو بە جێ پێتەوه بەن نابی بەم لاو ئەو لاتا ئەڕوانی هەڵئەستی ، دائەنیشییەوه نانەکانی فەرغوونەکەت ئەژمێرییەوه بەم دەست ئەو دەستت ئەگڵۆفی و ئەڵێی : چ بکەم ؟ شەو درەنگه و فەرغوونەکەم هێشتا نانت تدا ماوه . ئەی خۆشکه نان فرۆشەکەم ! باریکەڵەی روومەت سووتاو ! شار دامرکا جاده چۆڵ بوو کۆڵان تەواو تاریک داهات ڕێی ماڵەکەت چاو نەبینه. هاتا کەی ناگەڕێیەوه بۆ ئەو ماڵه ڕەش و ڕووتەت دایکی هەژار دڵ له دواته دڵداره قان قوڕاوییەکەت چاوەرێته کوڕه جیرانی ئازیزت وا گشت ڕۆژێک ئیێوارانه پاش ده ساعات قوڕەکاری سەرت ئەدا ، به ڕوانینه گراوییەکەی سوورایی ئەزێته گۆنات پزیسک ئەپژێته چاوانت چۆلەکەی ئەو دڵه ناسکەت باڵەفڕەی پی ئەکەوێ - نازانم ئەمشەو بۆ نەهات به شوێنتدا ! بێ و نەبێ له تاو شەکەتی ئەو هەژارەش وەک سەخری کەساس کەوتووه. دە هەسته پێ ! فەرغوونەکەت وەپێش خۆت ده کیژۆڵه نان فرۆشەکەم ! شەو درەنگه کەس نەماوه ئەو زگتێره ناکەسانه وا بۆ دوو نان چوار جار مووچەی نانەکەت ئەشێوێنن، ئەو چاودڕاوه پەستانه وا له گەڵ هەر تمەنێکدا دوو قسەی سوويت پێ ئەڵێن تفان لێ که ! نانا ئەو درسته پاکانەت مەفرۆشه بەو ناپاکانه. ئەی خوشکه چاو سووتاوەکەم ! خۆزگه ئەمزانی شەوانه ئەو کاتانه له گەڵ دایکت له بەر نێڵەی گڕا هەتا دەمەو بەیان تەپ تەپ نان ئەکەن بۆ فرۆش، خۆزگه ئەمزانی چی ئەڵێن ! چۆن باسم ڕزگار بوون ئەکەن لەم ژیانه بێفەڕەتان ! نۆڤەمبەری - ١٩٨٨- چاوە ━━━━━━━━━━━━━━ If you appreciate Kurdish poetry, literature, and cultural memories, please support Bangewaz by sharing and subscribing. Bangewaz — Preserving Kurdish poetry through music and storytelling. #Bangewaz #بانگەواز #Chawe #چاوە #KurdishPoetry #شیعری_کوردی #KurdishLiterature #KurdishCulture #Kurdistan #کوردستان #Sorani #ئەدەبی_کوردی