WANAFUNZI WATISHIA KUCHOMA SHULE, WATAKIWA KUONDOKA CHINI YA ULINZI

Wahitimu wa kidato cha sita zaidi ya 130 katika Shule ya Sekondari Milambo iliyopo mkoani Tabora, wametakiwa kuondoka shuleni hapo haraka baada ya kumaliza mitihani yao kutokana na tishio la kuchoma shule hiyo. Agizo hilo limetolewa leo Mei 12, 2025 na Mkuu wa Mkoa wa Tabora, Paul Chacha na wanafunzi hao wanapaswa kuondoka shuleni hapo chini ya ulinzi mkali wa Jeshi la Polisi kwani kitendo walichotishia ni kosa kubwa na haliwezi kufumbiwa macho. Wanafunzi hao zaidi ya 130 wamedaiwa kula njama ya kutaka kuchoma shule kutokana kuzuiliwa kufanya mahafali baada ya kumaliza mitihani yao ya kidato cha sita, ambapo kitendo hicho kimetajwa kuwa ni uvunjifu wa amani.