130 WADAIWA KUPANGA NJAMA KUCHOMA SHULE

#HABARI: Wanafunzi zaidi ya 130 katika Shule ya Sekondari Milambo, iliyopo Manispaa ya Tabora, waliomaliza mitihani yao ya kidato cha sita iliyoanza Jumatatu ya Mei 5, mwaka huu wanatuhumiwa kupanga njama za kuchoma shule hiyo na kuandamana, baada ya kuzuiwa kufanya sherehe za kuhitimu masomo yao bila kujali kuwa kundi lingine la wanafunzi wa shule hiyo linaendelea kufanya mitihani. Baada ya kuvuja kwa taarifa za njama hizo zilizozua zintofahamu kwa wanafunzi wanaoendelea na masomo shuleni hapo, Mwenyekiti wa Kamati ya Usalama ya Mkoa, Bw. Paulo Chacha na Wajumbe wa Kamati hiyo wakawasili haraka shuleni hapo na huku Mkuu wa Shule Mwalimu Shija Mashauri na Afisa Elimu Sekondari Manispaa ya Tabora, Mwalimu Benjamin Siperto, wanatanabaisha njama hizo na matukio mengine hatarishi ya wanafunzi hao. Usisahau kutufuatilia katika mitandao yetu ; Subscribe to our Youtube Channel : http://bit.ly/itvtanzania Facebook : https://bit.ly/2KeQNl3 Twitter : https://bit.ly/2XG7aii Instagram : https://bit.ly/34KItmg