Historiku dhe dinamikat e arrestimeve të bandës së Lulzim Berishës-(6 Prill 2006)

Lajme Arkiva 2006 Një organizatë kriminale e krijuar plot 12 vjet më parë, por që tashmë kanë në kafaz dy grupe rivale numëron për momentin 13 të arrestuar. Mes tyre janë dy drejtuesit e secilës palë, Indrit Dokle dhe nga ana tjetër, Lulzim Berisha. Altin Nikolli, Edvin Hoxhosmani, Arben Neli, Altin Olloni dhe minoreni Spartak Kalthi janë të pandehurit e akuzuar si pjesëtarë të bandës dhe që iu janë komunikuar akuzat e rënda, ku nuk mungon edhe ajo e vrasjes me pagesë. Historia e kësaj organizate të sofistikuar nis në vitin 1994 me drejtues Lulzim Berishën e Klodian Salihun, por përgjatë viteve prishja e pazareve të drogës shënon përçarjen e grupit dhe më pas ekzekutimin e Salihut. Vrasja e tij shënoi ndarjen përfundimtare të organizatës, ku nga njëra anë drejtimi i mbetet Lulzim Berishës, kurse nga ana tjetër ngrihet në detyrën e krimit, Indrit Dokle. Në dosje Prokuroria e Krimeve të Rënda radhit 11 vrasje. Arrestimet dhe goditja e grupit starton me Indrit Doklen edhe dy shokët e tij, të cilët u kapën për një vrasje të kryer në Tiranë. Ndërkaq dy persona të tjerë prangosen nga anti mafia italiane për trafik heroine. Policia shqiptare i jep goditjen finale organizatës duke arrestuar në Mars njëri pas tjetrit 6 të tjerë. Në gjykatë u tha se për këtë ka ndihmuar i ashtuquajturi i pandehuri, Dritan Coli. Mes të arrestuarve për katër persona prokuroria pretendon se ishin vrasës me pagesë. Policia shqiptare i dha kështu fund ekzistencës së dy organizatave kriminale në qytetin e Durrësit, ku së bashku me goditjen e grupit të Aldo Bares dhe arrestimin e tij shënoi suksesin në luftën ndaj krimit./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/