Why India Was Divided? ہندوستان کیوں تقسیم ہوا ۔ انیس شیخ

“ہندوستان کیوں تقسیم ہوا” تحقیق و تصنیف محترم۔انیس شیخ پبلشر ۔ فکشن ہاؤس لاہور محقق انیس شیخ کی تقسیم ہند کے موضوع پر یہ ایک اہم تصنیف ہے جس میں برصغیر کی تقسیم کے اسباب کو گہرائی سے سمجھنے کے لئیے اس دور کی دستاویزی شہادتوں کی مدد لی گئی ہے ۔ مصنف نے اس دور کے اہم اخبارات اور اس میں کانگریس ۔ مسلم لیگ۔ حکومت برطانیہ اور بر صغیر میں اس کی ریاستی نمائندگی کی شخصیات اور ان کے بیانات سرکاری رپورٹوں اہم واقعات کی مدد سے اپنی اس کتاب کو ترتیب دیا ہے جو اس کتاب کی تاریخی اہمیت میں اضافہ کرتا ہے ۔ انیس شیخ صاحب نے تقسیم کو صرف ایک سیاسی واقعہ نہیں سمجھا بلکہ اسے ایک طویل تاریخی عمل کے طور پر پیش کیا ہے جس کے پیچھے کئی عوامل کارفرما تھے۔ کتاب میں اُس دور کے سیاسی حالات، برطانوی حکومت کی پالیسیوں، کانگریس اور مسلم لیگ کے باہمی تعلقات، اور عوامی سطح پر پیدا ہونے والی کشمکش کو مختلف زاویوں سے بیان کیا گیا ہے۔ انیس شیخ نے مختلف زاویوں سے اس کتاب میں تحقیق کی ہے مثلاً بر صغیر کے مختلف علاقوں میں ہونے والے فسادات ہندوتوا اور اس کی تشکیل اور اثرات اور مسلمانوں کی معاشی معاشرتی سیاسی قانونی مذہبی حیثیت پر پڑنے والے اثرات کی تفصیل بھی دی گئی ہے ۔ مجموعی طور پر یہ کتاب تقسیمِ ہند اور اس کے مختلف پہلوؤں کو سمجھنے کے لیے ایک اہم تاریخی دستاویزی حوالے کے طور پر اس موضوع پر کتابوں میں اہم اضافہ ہے ۔ اشفاق احمد کراچی