Between Tradition and Modern Thought A Philosophical Review.احمد جاوید تہذیب کی قرات

تہذیب کی قرات فکری روایت سے عصری مباحث تک گفتگو و نتیجہ فکر جناب احمد جاوید صاحب ترتیب و تدوین جناب شاہد اعوان پبلشر ایمل پبلیکیشز اسلام آباد احمد جاوید صاحب کی کئی فکری جہتیں ہیں ۔ ان کی گفتگو کے موضوعات قدیم فکری مباحث سے جدید فلسفیانہ موضوعات تک کے دائرے میں آتے ہیں ۔ اس کتاب میں شاہد اعوان صاحب نے مختلف نظری و فکری پہلوؤں سے احمد جاوید صاحب کی گفتگو اور نظریات و افکار کو ایک جگہ جمع کرنے کا بہترین علمی کام انجام دیا ہے ۔ اس کتاب میں ایسے موضوعات پر علمی و عملی تشکیلی گفتگو موجود ہے جو کہ آج ایک عام انسانی ذہن کے ساتھ ساتھ ایک علمی ذہن کی بھی سخت ضرورت ہیں ۔ دین۔ دنیا ۔ فکر ۔نظریہ۔فلسفہ ۔مشرق و مغرب کا زاویہ فکر و نتائج ۔ادب۔ فنون لطیفہ ۔میڈیا۔جدیدیت مابعد جدیدیت ۔ انسان اور ما بعد الانسان جیسے مباحث اس کتاب میں موجود ہیں ۔ اس کتاب کا مطالعہ انسانی ذہن کے بہت سے دریچے کھولتا ہے اور اسے اپنے بارے میں سوچنے و سمجھنے کی دعوت دیتا ہے ۔ شاہد اعوان صاحب کی شاندار کاوش اور ایمل پبلیکیشز کی عمدہ طباعت نے اس کتاب کو ظاہری طور پر بھی پُرکشش بنایا ہے ۔ مطالعے کے لئیے اس کتاب کی اہمیت شاید کبھی کم نہ ہو۔ کیوں کہ یہ کتاب انسان اور اس سے متعلق ہر اہم موضوعات پر بات کرتی ہے اور انسان جب تک زندہ ہے اس کتاب کے مطالعے کی ضرورت بھی رہے گی ۔ آپ احمد جاوید صاحب کی فکر و نظر سے اختلاف کرسکتے ہیں تاہم انہیں نظر انداز نہیں کرسکتے ۔ اور یہ کتاب ہی اس بات کا ثبوت ہے ۔ ضرور مطالعہ کیجے اشفاق احمد ( کراچی)