PROPERLY AND PROPERTY - EVERWIN PRINCIPAL'S TALK (HELLO DEAR EVERWINNERS - 128)

அன்புள்ள எவர்வின்னர்களுக்கு வணக்கம், உங்களுக்கு எனது ஆசிகள். செம்பியத்தில் அமைந்துள்ள நமது பத்தாவது பள்ளியான எவர்வின் வித்யாஷ்ரம் வளாகத்தில் இருந்து நான் பேசுகிறேன். இது எவ்வளவு அற்புதமான ஒரு இடம்! எனக்கு 20 வயதாக இருக்கும்போது, சரியாக 1985-ஆம் ஆண்டில் நான் இந்த பகுதிக்கு வந்தேன். இங்கிருந்து வெறும் மூன்று தெருக்கள் தள்ளி இருக்கும் வாஞ்சிநாதன் தெருவில் தான் 29 ஆம் நம்பர் வீட்டில் ஒரு பேச்சுலராக நான் வசித்து வந்தேன். அப்போது நான் அரும்பாக்கத்தில் உள்ள டி. ஜி. வைஷ்ணவ் கல்லூரியில் எம். காம் படித்துக் கொண்டிருந்தேன். இங்கிருந்து தினமும் கல்லூரிக்கு மிதிவண்டியிலோ அல்லது பேருந்திலோ செல்வது வழக்கம். இந்த இடம் எனக்கு மறக்க முடியாத ஒன்று. இந்த வரலாறு இத்துடன் முடிந்து விடவில்லை. ஆம், நம் சிஇஓ மேடம் அவர்கள் இந்த பகுதியில் இருந்து, நான்கு தெருக்கள் தள்ளியுள்ள, மார்க்கெட் தெருவில் தான் பிறந்தார். நமது டிரஸ்டி எம்.பி. வித்யா அவர்கள் அடுத்த தெருவான பாக்சன் ஸ்ட்ரீட்டில் இருந்த பரணி நர்சிங் ஹோம் மருத்துவமனையில் பிறந்தார். இதன்மூலம், இந்த பகுதியின் முக்கியத்துவத்தை நீங்கள் புரிந்து கொள்ளலாம். அக்காலத்தில் நான் சந்தித்த சவால்களைப் பற்றி சொல்ல எனக்கு போதுமான நேரமில்லை. கையில் பணமும், பெற்றோரின் ஆதரவும் இல்லாத நிலையில் நானே சமைத்து சாப்பிட்டு வந்தேன். மாலையில் சிலருக்கு டியூஷன் சொல்லிக் கொடுத்து பணம் சம்பாதித்தேன். சில நேரங்களில் இங்கிருந்து அரை கிலோ மீட்டர் தொலைவில் உள்ள சிந்துபவன் ஹோட்டலில் சாப்பிடுவேன். அங்கு ஒரு சாம்பார் சாதத்தின் விலை 70 பைசாவாக இருந்தது. சில சமயங்களில் என்னிடம் ஐந்து பைசா குறைவாக இருக்கும். அப்போதெல்லாம் ஏமாற்றத்துடன் அறைக்கு திரும்பி உப்புமா செய்து சாப்பிடுவேன். வெள்ளை சாதம், உப்பு, தண்ணீர் கலந்த உணவே அப்போதெல்லாம் எனக்கு சிறந்த உணவாக இருந்தது. அப்படி வாழ்ந்த அதே பகுதியில் நான் ஒரு பள்ளியைத் தொடங்குவேன் என்று என் கனவிலும் நான் நினைத்துப் பார்த்ததில்லை. முன்பு இந்தப் பகுதிக்கு அருகில் இருந்த செம்பியம் அஞ்சல் நிலையமும், செம்பியம் காவல் நிலையமும் இந்த பகுதியின் முக்கிய அடையாளங்கள். இங்கிருந்து ஒரு கிலோ மீட்டர் தொலைவில் தான் நமது பெரம்பூர் எவர்வின் வித்யாஷ்ரம் பள்ளி அமைந்துள்ளது. தற்போது இங்கு கட்டுமான பணிகள் நடைபெற்று வருகின்றன. இந்த கட்டிடத்தையும், வளாகத்தையும் பார்க்கும்போது சொத்து (property) என்ற வார்த்தை என் நினைவுக்கு வருகிறது. 25 வயதில் கையில் எதுவுமே இல்லாத ஒரு இளைஞனாக இருந்து, எப்படி இத்தகைய வளர்ச்சியையும் சொத்துக்களையும் உருவாக்க முடிந்தது? இந்த கேள்விதான் இந்த வாரத்தின் தலைப்பு - சரியான செயல்பாடு மற்றும் சொத்து (properly and property). ஒரு சொத்தை நீங்கள் சொந்தமாக்கிக் கொள்ள வேண்டும் என்றால் நீங்கள் சரியாக செயல்பட வேண்டும். சரியான செயல்பாட்டிற்கும் சொத்துக்கும் என்ன சம்பந்தம் உள்ளது என்பதை நான் இப்போது உங்களுக்கு சொல்கிறேன். நீங்கள் செய்ய வேண்டியது என்ன? 1. உங்கள் நண்பரை சரியாகத் தேர்ந்தெடுப்பது. 2. நேரத்தை சரியாகப் பயன்படுத்துவது 3. சரியாகப் படிப்பது 4. சரியாகத் தூங்குவது 5. உங்கள் அலைபேசியை சரியாகப் பயன்படுத்துவது இந்த ஐந்து விஷயங்களை நீங்கள் சரியாகச் செய்தால் நீங்கள் சொத்துக்களை சொந்தமாக்கிக் கொள்ளலாம். கார், வாகனங்கள், விலையுயர்ந்த அலைபேசி போன்ற அசையும் சொத்துக்களையும் பங்களா, நிலம் போன்ற அசையாச் சொத்துக்களையும் நீங்கள் பெறலாம். நான் இதற்குத் தகுந்த ஒரு சொற்றொடரை உருவாக்கியுள்ளேன்: "அலைபேசியை குறைவாகப் பயன்படுத்துங்கள்; இல்லையெனில், நீங்கள் பயனற்றவர்களாகிவிடுவீர்கள் (Use the mobile less or you will be useless). இது என்னுடைய சொந்த வாசகம். செல்வந்தராக மாறிய பிறகு மற்றவர்களுக்கு உதவ வேண்டும் என்று பல வருடங்களாக நான் ஒவ்வொரு மாணவரிடமும் வலியுறுத்தி வருகிறேன். என் விஷயத்தை எடுத்துக் கொள்வோம். நான் பள்ளி/கல்லூரி மாணவனாக இருந்தபோது, என் கடமைகளை மிகவும் சரியாகச் செய்து வந்தேன். என் நண்பர்களுடன் பல இடங்களுக்கு செல்வேன். மரங்கள் மற்றும் மலைகளில் ஏறுவேன். ஆனால் ஒரு விஷயத்தில் நான் கவனமாக இருந்தேன். தேர்வுகள் மற்றும் வீட்டுப் பாடங்கள் இருக்கும் போதெல்லாம் நான் அந்த நண்பர்கள் கூட்டத்திலிருந்து விலகி விடுவேன். அதற்காக என் நண்பர்கள் என்னை சுயநலவாதி என்று கூட அழைத்தார்கள். என் நண்பர்கள் 45 நிமிடம் நீந்தினால், நான் 15 நிமிடம் மட்டுமே நீந்துவேன். ஏனென்றால் வேலைகளை சரியாக செய்வதற்கு நான் எப்போதும் முன்னுரிமை அளித்தேன். செய்ய வேண்டிய காரியங்களை சரியாகச் செய்யாத என் நண்பர்கள் என்னைப் போன்ற வளர்ச்சியை அடையவில்லை. இன்று உயர் வகுப்புகளில் படிக்கும் மாணவர்களிடம் நான் ஒரு விஷயத்தை சுட்டிக்காட்ட விரும்புகிறேன். நண்பர்களுடன் வீண் வாதங்களில் ஈடுபடுவது, சண்டையிடுவது, அதிகமாக அலைபேசியை பயன்படுத்துவது, சிறுவயதிலேயே வேலைகளை சரியாக செய்வது பிற்காலத்தில் பெரும் செல்வத்துடனும் வளத்துடனும் வாழ வழி வகுக்கும் (Doing things properly in childhood will lead to living with many a property in adulthood). இதுவும் என் சொந்த வாக்கியம்தான். காரியங்களை சரியாக செய்வது எப்படி? 1. சரியாகச் சிந்தியுங்கள் - எப்போதும் மற்றவர்களுடனே இருப்பது மூளையை செயலற்றதாக்கிவிடும். சரியாக சிந்திப்பதற்கு தனிமையும், நேரமும், சூழலும் அவசியம். 2. சரியாகத் திட்டமிடுங்கள். 3. சரியாகப் பயிற்சி செய்யுங்கள். 4. சரியாகச் செயல்படுத்துங்கள். சரியாக செய்வதும் செல்வமும்: பணம், சொத்து மற்றும் பிறருக்கு உதவும் குணம் ஆகியவற்றின் மீது ஆர்வத்தை வளர்த்துக் கொள்ளுங்கள். சரியாகச் சிந்தியுங்கள், திட்டமிடுங்கள், பயிற்சி செய்யுங்கள், செயல்படுத்துங்கள். உங்கள் கடமையைச் சரியாகச் செய்தால், ஏராளமான செல்வம் உங்களை வந்தடையும். இப்போதைக்கு இவ்வளவு தான். தொடர்ந்து முன்னோக்கி செல்லுங்கள்.