CHILDREN CAN INFLUENCE PARENTS TO VOTE - EVERWIN PRINCIPAL'S TALK (HELLO DEAR EVERWINNERS - 127)

அன்புள்ள எவர்வின்னர்களுக்கு வணக்கம். உங்களுக்கு எனது ஆசிகள். வரும் ஏப்ரல் 23ஆம் தேதி நடக்கவிருக்கும் சட்டமன்ற தேர்தலை பற்றி தான் இன்றைய நமது தலைப்பு. நேற்று நடந்த பாண்டிச்சேரி சட்டமன்றத் தேர்தலில் 90 சதவீதம் வாக்கு பதிவாகி இருந்தது. நாம் அவர்களை விட வாக்கு சதவிகிதத்தில் அதிகமாக சாதிக்க வேண்டும். அதற்காகத்தான் இந்த விழிப்புணர்வு நிகழ்ச்சி. ஒரு நல்ல குடிமகன் எல்லா தேர்தல்களிலும் வாக்களிப்பார். 25 ஆயிரம் மாணவர்களை கொண்ட நம் எவர்வின் பள்ளி பெற்றோர்களுக்கு நாம் கூறும் அறிவுரை, தவறாமல் வாக்களியுங்கள் என்பதுதான். நாம் ஒழுங்காக வாக்களிக்க செல்லாமல் அரசை குற்றம் கூறுவதில் பலன் இல்லை. இங்கே மாணவர்கள் பதாகைகளை ஏந்தியும், முகத்தில் வண்ணம் தீட்டியும், ஸ்டிக்கர்கள் ஒட்டியும், விரலில் மை இட்டு காண்பித்தும் தேர்தல் விழிப்புணர்வு பிரச்சாரத்தை நடத்துகிறார்கள். நம் கொளத்தூர் தொகுதி மாண்புமிகு தமிழக முதலமைச்சரின் தொகுதி. இந்த தொகுதியில் மட்டுமல்ல நம் பள்ளியில் படிக்கும் மாணவர்களின் வீடுகளிலும், அவர்களின் சுற்றுப்புறத்திலும் எல்லோரும் வாக்களிக்க வேண்டும் என்பதை வலியுறுத்துவதற்காகத் தான் இந்த நிகழ்ச்சி. நம் மாணவர்கள் தாங்கள் வாழும் தெருவில் உள்ள ஒவ்வொரு வாக்காளர்களிடமும் சென்று வாக்களிக்குமாறு வலியுறுத்த வேண்டும். இன்னும் தேர்தலுக்கு 12 நாட்கள் தான் உள்ளது. ஏற்கனவே 2024 இல் வாக்களிப்பதன் முக்கியத்துவத்தை பற்றி நான் பேசி இருக்கிறேன். எப்படி எல்லாம் மாணவர்கள் தங்கள் தங்கள் பெற்றோர்களை மாற்ற முடியும்? ஏன் முருக கடவுள் தன் தந்தையான சிவனுக்கு பாடம் கற்பிக்கவில்லையா? அதேபோலத்தான் பக்த பிரகலாதனும். நாங்கள் பள்ளி ஆரம்பித்த புதிதில் கொளத்தூரில் 55 சதவீதம் வாக்குகள் மட்டுமே பதிவாகின. இப்போது அது 70% ஆக உள்ளது. நம் பள்ளிகள் அமைந்திருக்கும் ஒவ்வொரு தொகுதியிலும் இதே போல வாக்கு சதவீதத்தை அதிகரிப்பதே எங்கள் முயற்சி. பிள்ளைகளும் பெற்றோர்கள் தவறு செய்யும் போது எடுத்துக் கூறலாம். அவர்கள் சண்டையிடும் போது, அதிகமாக மொபைல் பயன்படுத்தும் போது, உங்கள் கருத்துக்களை பொறுமையாக எடுத்துக்கூறலாம். இதன் மூலம் பெற்றோர்கள் மகிழ்வார்கள். இப்போது வாக்களிக்காமல் இருப்பதன் தீமைகளை பற்றி பேசலாம். அரசு ஒரு அரசாங்கம் இல்லாமல் நம்மளால் வாழ முடியாது. இலவசப் பயணம், பெண்களுக்கு ஆயிரம் ரூபாய், ரேஷன் பொருட்கள், குறைந்த விலையில் lpg கேஸ், உயர்கல்வி உதவித்தொகை, என பல வகைகளில் அரசாங்கம் நமக்காக செலவு செய்கிறது. உதாரணமாக ஒரு ஹோட்டலுக்கு சென்று உணவு உண்ணாமலையே அதை குறை கூறுவது போலத்தான், வாக்களிக்காமலேயே அரசாங்கத்தை குறை கூறுவதும். மொபைலை சார்ஜ் செய்வது போலத்தான் வாக்களிப்பதும். மொபைலை சார்ஜ் செய்யாமல் பேச முடியாது, வாக்களிக்காமல் நீங்கள் குறை பேச முடியாது. இந்திய நாடு உலகிலேயே ஒரு மிகப்பெரிய ஜனநாயகம். அமெரிக்கா மிகப் பழமையான ஜனநாயகம். பாகிஸ்தானில் மிலிட்டரி ஆட்சி நடக்கிறது. பிரிட்டன், அரபு போன்ற பல நாடுகளில் மன்னர் ஆட்சி நடக்கிறது. நேராக வாக்குச் சாவடிக்கு சென்று வாக்களியுங்கள் - இதுதான் பெற்றோருக்கான இன்றைய செய்தி. இது தேர்தல் செய்தி என்பதால் பெற்றோர்களிடம் நேராக பேசுகிறேன். உங்களுக்கு எந்த வாக்காளரையும் பிடிக்காவிட்டால் நேட்டோவுக்கு வாக்களிக்கலாம். இங்கே இருக்கும் இந்த மாதிரி வாக்குச்சாவடியில் வாக்களிக்கும் முறையை அழகாக நம் மாணவர்கள் காண்பிக்கிறார்கள். 18 வயதிற்கு மேல் மேற்பட்ட அனைவரும் தவறாமல் வாக்களிக்க வேண்டும். வாக்குச்சாவடி ஊழியர் பெயரைக் கூப்பிடும்போது உள்ளே சென்று, பட்டியலில் பெயர் உள்ளதா என்று சரி பார்த்து, பின்பு விரலில் மை தடவி, பின்பு மின்னணு வாக்குப்பதிவு எந்திரத்தில் தன் வாக்கை அளிக்க வேண்டும். இவ்வாறு தான் வாக்குப்பதிவு நடைபெறுகிறது. குடும்பத்தில் ஒரு சில குறைகள் இருந்தாலும் நாம் ஒற்றுமையாக இருக்க வேண்டும். அதுபோல்தான் இந்த நாடும். நம் நாட்டிலும் வேலையின்மை, ஊழல், லஞ்சம், வன்முறை போன்ற பல பிரச்சனைகள் இருந்தாலும் நாம் நம் ஜனநாயக உரிமையை நிலை நாட்டுவதில் ஒற்றுமையாக இருக்க வேண்டும். பெற்றோரும் குழந்தைகளும் கைகோர்த்து 100% வாக்குப்பதிவை உறுதி செய்தல் 1. குழந்தைகள் நல்ல விஷயங்களில் பெற்றோரை வழிநடத்த முடியும். 2. வாக்களிப்பவர்களே தேசத்தை உருவாக்குகிறார்கள். 3. அனைத்து தேர்தல்களிலும் உங்கள் பெற்றோரை வாக்களிக்கச் செய்யுங்கள். இப்போதைக்கு இவ்வளவுதான். தொடர்ந்து முன்னோக்கி செல்லுங்கள்.