Martina Barakoska @ Skopje Drum Fest 2021

Мартина Баракоска е музичарка, тапанарка, родена во Скопје 1998 и има 23 години. Во нејзината релативно кратка кариера има неколку значајни достигнувања. Беше дел е од групата Дупер во периодот од 2017 до 2019 година. Во овој период се создава песната „Не сум твој тип” - за која што добиваат награда „Златна Бубамара на популарноста за 2018” , потоа песните „Тело за на ТВ”, „Ние сме 2” и „Пробај да ми бидеш” со коишто постигнуваат огромен успех кај македонската публика. Исто така беше дел од прокетот CON-FRONT со кој реализираа и турнеја низ неколку европски држави и на Балканот. Има настапувано со бендовите на Љубојна, Владимир Четкар, Сашко Костов, Ris Flower, Драги Иванов, Тони Китановски каде што се изведува нивна авторска музика. Мартина беше дел и од составот Labavo&Funky како музички директор, одговорна за аранжманот на музиката. Во јули 2019 година учествуваше на работилници на Drum Camp во Хрватска - Грожњан. Работилниците ги држеа реномирани професори од Америка: John Riley, Famoudou Don Moye, Antonio Sanchez, Horacio El Negro Hernandez и Dave Tull. Во 2020 беше дел од кампања на Телеком на тема “Генерација ‘Z’ и нејзиниот импакт врз општествениот развој”. Исто така, има голема желба да го пренесе своето досегашно знаење, па затоа се занимава и како наставник по тапани на луѓе од сите возрасти. Главната цел во моментот и е да остави свој печат, онлајн и офлајн, и да ги охрабри луѓето околу себе да го прават тоа што го сакаат, без разлика на стереотипите, со нејзиниот соло проект Мартина Баракоска под чие име го извади и првиот албум “Weird Fishes”. Од крајот на 2020 почнува интернационална соработка како артист на реномираните брендови Istanbul Mehmet Cymbals, Yamaha Drums, Promark Drumsticks и Evans Drumheads. Во 2021 го одржа својот прв солистички концерт на фестивалот “Прво Па Женско” во МКЦ, а кратко после тоа настапуваше на Alteisa DrumFest 2021 во Шпанија, Замора помеѓу имињата на Virgil Donati, Jost Nickel, и Michael Shack.