Blagoja Antovski @ Skopje Drum Festival 2022

Благоја Антовски е дипломиран музичар на ударни инструменти (примарен инструмент тапани) на Факултетот за музичка уметност при Универзитетот Св. Кирил и Методиј, а во моментов се наоѓа на магистарски студии по џез музика (џез тапани) на Музичката академија при Универитетот Гоце Делчев во Штип. Професионално е активен од 2003 година од кога е ангажиран на проекти од различен тип (тв настапи, концертни изведби, студиски ангажмани, едукативни активности за деца), а авторска музика создава од 1999 година. Благоја има претходно работно искуство како тапанар/перкусионист во МРТВ Биг Бенд, приватен тутор по тапани, ангажман во ТВ шоу Опуштено, ангажман во Турски театар Скопје. Благоја е дел од музичките групи SMUT, Нокаут, The Black and Vice Social Club, Fleka, Белучи квартет и Crimson Sunrise. Има остварено соработки со реномирани домашни артисти како Каролина Гочева, Архангел, Да Џака Накот, Дамир Имери, Иван Иванов, Калиопи, DJ Гоце (САФ), Тони Зен. Има освоено повеќе награди и натпревари меѓу кои најзначајни се: Копенхаген 2003, камерна музика, 1во место, Скопје 2003, државен натпревар – соло перкусии, 1во место, Софија 1999, камерна музика, 1во место. Благоја денеска е дел од оркестарот на Македонската Филхармонија.