【林鳳《榴槤飄香1959》】陳寶珠、李司棋、黃韻詩「助陣」；李香琴、森森斑斑、張偉文、柳影虹「贈慶」

#林鳳 #榴槤飄香 #陳寶珠 1959年，雄踞國語片市場嘅邵氏睇準東南亞極具潛質嘅粵語片市場，於是拉隊去馬拉開拍《榴槤飄香》。當年炙手可熱，有「邵氏之寶」之稱嘅林鳳係當然女主角，戲裡頭就有首同名插曲由佢主唱。《榴槤飄香》旋律輕快、歌詞入俗，首歌喺「懷舊金曲」之中穩佔一席位；歷來有唔少歌星翻唱。咁就搵李香琴、森森斑斑、張偉文、柳影虹嚟贈下慶先： 時至今日，《榴槤飄香》條片已經搵唔到，剩返嘅只係得幾張造型照同劇照、幾幅電影廣告、 幾張宣傳單張同埋幾段相關報道。為咗讓以下呢條林鳳嘅「榴槤飄香MV」有更理想嘅視聽效果，iCantonese特意搵咗陳寶珠、李司棋同黃韻詩呢幾位分別響電影《娘惹之戀1969》以及電視劇《山水有相逢1980》裡頭載歌載舞嘅主角嚟助陣： 《榴槤飄香》 飄來榴槤之香 曼歌聲震天 飄來榴槤之香 芬芳到嘴邊 飄來榴槤之香 大家執個先 飄來榴槤之香 菓汁似蜜餞 榴槤在我心中香 一吃夢溫暖 榴槤落滿地上去 伸隻手去拈 飄來榴槤之香 又執一個㖭 飄來榴槤之香 歡呼舞萬遍 香甜味兒飄飄 為它倒與顛 香甜味兒優優 更加愛菓仙 香甜味兒清清 入心香更添 香甜味兒薰薰 春心醉又軟 榴槤令我多相思 今次又相見 榴槤熟了像玉女 一見心意牽 安娜艷如嬌花 萬花鮮鬥鮮 不忘榴槤之香 歡呼舞萬遍 唔講可能大家都唔知，原來林鳳響拍《榴槤飄香》之前係從來冇食過榴槤，不過食過之後就愛不釋「口」。據講林鳳當年睇過一本書話榴槤個名係來自「流連忘返」中嘅「流連」；理由係榴槤咁好味，有得食榴槤嘅地方咪會有好多人響度「流連」囉。經過考證，呢個講法原來係冇根據嘅！