【林鳳《獨立橋之戀 - 印度情歌》為我為我妒焰焚，令我令我暗斷魂；我憎君你又愛君，待你共我抹淚痕

#林鳳 #獨立橋之戀 #印度情歌 由林鳳、張英才主演嘅《獨立橋之戀1959》有首插曲《印度情歌》，首歌嘅背景是咁的： 窮畫家張英才同歌女林鳳共墮愛河、山盟海誓；奈何天意弄人，林鳳因為救弟失身。張英才醋意大發之餘，仲誤會佢貪慕虛榮，於是憤而離去。受盡委屈嘅林鳳憑歌寄意，道盡「哥去妹心碎」之情。 順帶同大家提下以下幾點： 其一、有小道消息話張英才私底下係一個業餘油畫家，《獨立橋之戀》個導演周詩祿就嚟個順水推舟，將佢之前同林鳳畫嘅畫像「搬上」銀幕，真係估你唔到！ 其二、首插曲改個咁名係因為星馬嘅印度籍人士有成百萬，想擴大觀眾群咁話；不過大家文化語言都唔同，所以應該唔得囉！ 其三、首插曲嘅填詞人吳一嘯保持一貫作風，歌詞除咗朗朗上口仲異常工整，等iCantonese抽幾句嚟同大家分享一下： 愛海遇疑雲 月兒又缺憾 哥去妹心碎 痴情莫再問 為我為我妒焰焚 令我令我暗斷魂 我憎君你又愛君 待你共我抹淚痕 《印度情歌1959》林鳳主唱 其實為乜事含醋味 心內留怨恨 醋酸酸你亂呷 笨啊笨啊笑壞人 哥哥錯誤了 恨我罵我帶淚行 其實犯不著含醋味 不念情與份 氣沖沖决絕去 為我為我妒焰焚 花飛與月缺 令我令我暗斷魂 玉女身 玉女身 為愛所困 鳥並頭長嘆未能未能 愛海遇疑雲 郎共我似月兒 月兒又缺憾 哥去妹心碎 痴情莫再問 哥去妹心碎 我憎君你時又愛君 我歌音唱亂了 又喊又笑帶淚痕 愛哥哥永待你 待你共我抹淚痕