MNYIKA: MALALAMIKO DHIDI YA VIONGOZI YAPITIE VIKAO RASMI, SIYO MITANDAONI

Katibu Mkuu wa Chama Cha Demokrasia na Maendeleo (CHADEMA) , John Mnyika, amesema viongozi wa chama wenye malalamiko dhidi ya viongozi wenzao wanapaswa kufuata taratibu za chama kwa kuwasilisha malalamiko rasmi yenye ushahidi na kuyawasilisha katika vikao vya chama, badala ya kuyapeleka kwenye vyombo vya habari na mitandaoni. Mnyika amesema hatua zilizochukuliwa dhidi ya baadhi ya wanachama na viongozi zilizingatia katiba, kanuni na maadili ya CHADEMA. Aliongeza kuwa mwanachama yeyote ambaye hajaridhika na maamuzi hayo ana haki ya kukata rufaa kupitia utaratibu uliowekwa na chama. Ameeleza kuwa kabla ya matukio hayo, uongozi wa chama ulikuwa umepokea taarifa za kuwapo kwa watu waliokuwa wakiwashawishi baadhi ya viongozi kufanya mikutano na waandishi wa habari kwa madai ya kupewa fedha ili kutoa tuhuma dhidi ya viongozi wa chama.