#أسهل و أسرع طريقة للخرشوف و بدون عصاج

أهلا وسهلا بيكم في @قناة وصفات اقتصادية 🌹 00:03 : 04:12 🟩 طريقة تنظيف الخرشوف : قبل البدء فى تنظيف الخرشوف يتم تحضير المحلول لوضع اقراص الخرشوف فيه بعد تقشيره مباشرة و لمنع عملية التأكسد يتم وضع ملعقة طعام من الملح و أخرى من الدقيق و عصير الليمون و ده سر احتفاظ الخرشوف باللون الأبيض. بعدها تبدأ عملية تحديد قرص الخرشوف عن طريق وضع إصبع الإبهام على الجزء الثالث للأكل من ورقة الخرشوف و نزع الجزء الغير مرغوب فيه و نستمر بنفس الطريقة حتى 4 او 5 صفوف من الأوراق و بعدها نكون وصلنا للاوراق السابقة للون الاحمر الموجود داخل الخرشوفة ، فبيتم وضع الخرشوفة على البلانشة ( لوح التقطيع) و نقوم بقطع مجموعة الأوراق المتبقية بالسكين بحيث يكون شكل الخرشوفة يشبه بولة صغيرة ، بعدها يتم إزالة الاوراق الداخلية ( ذات اللون الاحمر ) و الشعيرات الموجودة بداخلها عن طريق وضع سن السكينة لتحديد مكان فصل الاوراق عن قرص الخرشوفة و تحريكه بشكل دائرى للتخلص من قلب الخرشوفة و بعده نزيل المتبقى من الشعيرات والاوراق الصغيرة بطرف ملعقة و من خارج الخرشوفة نقوم بتقشير الاوراق صعبة التسوية و بالتالى صعبة الهضم عن طريق إمساكه بيد و لفه فى اتجاه اليد الموجود بها السكين إلى أن يتم التخلص من قشور الأوراق و بظهر القرص بلونه الابيض فيتم وضع مباشرة فى المحلول بعد أن أصبح على هيئة بولة صغيرة عميقة . 04:13 : 04:30 يظهر فى الڤيديو تجويفات اقراص الخرشوف بعد وضعها فى المحلول لمدة ساعتين مدة فك اللحمة المفرومة من الثلج ويظهر بلون أبيض ناصع .| فترة تحضير ( بولات من أقراص الخرشوف) قمت خلالها بتحضير تشريبة لتسوية الخرشوف و و ضعتها على النار لتنضج خلال مدة التنظيف و التحضير . 04:30 : 04:53 🟩 طريقة تحضير الحشوة بطعم متميز ، بشرت بصلة 🧅 متوسطة و جزرة 🥕 صغيرة و أضفت لهم نص ملعقه صغيره من الكمون المطحون و ملعقة صغيرة من القرفة و ملعقة صغيرة من الفلفل الاسود و أضفت عليهم مقدار نص كيلو من اللحم المف روم و ملعقة صغيرة من الملح و مزجتهم جيدا . 04:54 : 05:33 🟩 طريقه تحضير الخرشوف للطهي: خرجت الخرشوف من المحلول و قمت بشطفه بمية غزيرة و وضعته فى مصفاه و قمت بتجفيفه بورق المطبخ و بعد كده نزلت به فى طاسة فيها زيت ساخن على النار علشان اغلف وحدات الخرشوف و بكده تحتفظ بقوامها بعد التسوية و لتفادى صفة الاسفنج و تمزق انسحتها ( تتهرى )وقت الطهى ، بعد تحمير الكمية قمت برصها فى البايركس بدأت فى حشو الخرشوف و ملئ اقراص الخرشوف اللى على شكل بولة صغيرة باللحم المفروم الممزوج مع البصل و الجزر و الملح و الفلفل الاسود و القرفة و الكمون و بدون ما أعصج اللحمة لانى فضلت أن الخرشوف يتشبع بطعم اللحمة و الدهون الخاصة باللحمة و بالعصارة الناتجة عن البصل و الجزر لما يتسوى فى الفرن لكن العامل المساعد و الاساسى للتسوية هو التشريبة. 05:34 : 07:06 🟩 طريقه تحضير تشريبة التسوية: علشان التشريبة تتسبك بسرعة نظفت كيلو من الطماطم 🍅 عن طريق إزالة مكان القمع الاخضر و تقطيع الطماطم اربع ارباع فى حلة على النار وإضافة نص كوب من المية و بعد الغليان ضربتها فى الخلاط و صفيت القشر والبذور ، وبعد ما قطعت بصلة 🧅 متوسطة و نزلتها فى حلة على النار فيها ملعقة من السمنة و بعد ما لونها بقى اصفر نزلت عليها بعصير الطماطم وسبتها على نار متوسطة و لما قربت تتسبك بدأت أغطى بها وحدات الخرشوف و أضفت كمية مناسبة فى قاع البايركس علشان يكتمل بيها نضج الخرشوف و اللحمة و تكمل تسليمة الطماطم كمان و تتشبع المكونات من بعضها فى فرن درجة حرارته 180 درجة لمدة نص ساعة مع اختبار نضج الخرشوف لان وقت تسويته اطول من وقت تسوية اللحمة ، فإذا كانت الصلصة اتسبكت و الخرشوف لسة محتاج تسوية نضيف نصف كوباية مية ساخنة و ننتظر حتى تتشرب . 07:07 :07:27 بعد نضج الخرشوف خرجت البايركس من الفرن و كان شكل وحدات الخرشوف متناسقة و اللحمة متماسكة و الطماطم 🍅 لونها احمر داكن بفعل ملعقتين معجون الصلصة اللى اضفتهم لما وجدت أن لون عصير الطماطم فاتح وقت تحضير التشريبة و ده لون يدل على تمام النضج و فضلت انى اقدم قطعة واحدة من الخرشوف فى طبق و حولها جزء من الصلصة و فى الجانب الآخر ارز ابيض شكلتها فى بولة على شكل بيضاوى و تذوقت من الخرشوف فكان كما أردت متشبع من المكونات و كانت اللحمة متماسكة و لذيذة و متابعة من البصل والجزر و التوابل و الصلصة فكان طبق كلاسيك فاخر . فأرجو انكم تجربوها بطريقتى و طريقة الحشوة الخفيفة على المعدة و اللذيذة فى مذاقها ، كمان ارجو لكم اللى لسة ما اشتركت فى القناة يشرفنى بالاشتراك و متنسوش تعملوا لايك للڤيديو ، باى باى 🌹 #طبخ #وصفات #اكلات #سريعة #طبخ #ترند #اكسبلور #اليوم #الخرشوف #حشوة_مميزة #بدون_تعصيج