MAKAME ATOA AGIZO: "USAFI NI JUKUMU LA KILA MWANANCHI!"

MWENYEKITI WA BARAZA LA MJI KUSINI MHE. MAKAME RAMADHAN MAKAME AMEWAHIMIZA WANANCHI WA WILAYA YA KUSINI KUENDELEA KUIMARISHA USAFI WA MAZINGIRA KATIKA MAENEO YAO ILI KUHAKIKISHA WILAYA HIYO INAKUWA SAFI, SALAMA NA YENYE MAZINGIRA BORA KWA MAENDELEO YA JAMII. MHE. MAKAME AMETOA WITO HUO KIONGON MAKUNDUCHI WAKATI WA ZOEZI LA USAFI WA MAZINGIRA LILILOSHIRIKISHA WATENDAJI WA BARAZA LA MJI KUSINI, TAASISI YA TEAM WANU, WANANCHI PAMOJA NA VIKUNDI VYA USAFI VYA MAKUNDUCHI. AMESEMA KUWA KUFANYA USAFI NI JUKUMU LA KILA MWANANCHI, HIVYO NI MUHIMU KWA JAMII KUHAKIKISHA WANASAFISHA MAENEO YAO MARA KWA MARA. AIDHA, AMEBAINISHA KUWA BARAZA LA MJI KUSINI LITAENDELEA KUHAKIKISHA TAKA ZINAZOKUSANYWA ZINAPELEKWA KATIKA JAA KUU LA KIBELE KWA AJILI YA UTUNZAJI SALAMA WA MAZINGIRA. AMEONGEZA KUWA BARAZA LINAENDELEA KUTEKELEZA MKAKATI WA UTOAJI WA ELIMU YA USAFI KWA WANANCHI NA WAFANYABIASHARA, SAMBAMBA NA KUSHIRIKIANA NA JAMII KATIKA KUFANYA USAFI WA MAZINGIRA KATIKA MAENEO MBALIMBALI YA WILAYA YA KUSINI. AIDHA, AMEWASHUKURU WANANCHI WALIOSHIRIKI KATIKA ZOEZI HILO KWA MOYO WAO WA KUJITOLEA NA AMEWAOMBA KUENDELEZA USHIRIKIANO HUO NA BARAZA LA MJI KUSINI ILI KUHAKIKISHA WILAYA YA KUSINI INAENDELEA KUWA SAFI. KWA UPANDE WAKE, MWENYEKITI WA TAASISI YA TEAM WANU, NDUGU ALI MCHA ALI, AMEWAHIMIZA WANANCHI KUJENGA UTAMADUNI WA KUSHIRIKI KATIKA SHUGHULI MBALIMBALI ZA USAFI WA MAZINGIRA HUKU AKISISITIZA KUWA USAFI NI JUKUMU LA KILA MWANANCHI. NAO WANANCHI WA MAENEO HAYO WAMETOA SHUKRANI ZAO ZA DHATI KWA WASHIRIKI WA ZOEZI HILO, HUKU WAKITOA WITO KWA WANANCHI WENZAO KUHAMASISHANA KUSHIRIKI KATIKA SHUGHULI KAMA HIZO.