MENSÁJEN PREZIDENTE REPÚBLIKA BA ASUA'IN MA'HUNO BULEREK KARATHAYANO

Povu doben Timor-Leste, Horseik (24 setembru 2021-red), Timor-Leste lakon tan asua’in luta libertasaun nasionál espesiál ida. Espesiál tanba halo parte jerasaun fundadór movimentu ba Ukun Rasik An dahuluk ho ámbitu nasionál. Ho naran asua’in, Ma’Huno Bulerek Karathayano, tama iha istória luta libertasaun Patria, nu’udar Fundadór ASDT, membru Comite Central Fretilin, Chefe Conselho Político Militár Frente Armada, Secretário da Comissão Diretiva da Fretilin, Comandante das FALINTIL, Secretario Região 3, lider ida ne’ebé inspira no sai belun boot ba foin-sa’e klandestinu sira iha vila laran, iha Timor-Leste no iha Indonézia. Iha periódu susar tebes, hafoin militár Indonézia kaer Comandante Superior Luta, Xanana Gusmão, iha 1992, ema barak hanoin luta to’o ona nia rohan.