Menda Bikoitza 3x18: 'Psyllium' baino plantaina nahiago

Entzule baten proposamenari heldu eta psyllium (https://eu.wikipedia.org/wiki/Ardi-belar) zuntzari buruz hitz egin dugu gaur, izan ere, boladan ipini da psyllium hautsa eta badirudi denok hartu beharrekoa dela. Zuntz hau plantaina familiako hazia da eta idorreriari aurre egiteko erabili izan da. Baina gaur egun asko apetitua erregulatzeko erabiltzen ari dira, gosea kentzeko, eta hemen datoz arazoak (https://www.apollohospitals.com/es/me...) . Horren aurrean, erabili zuhur eta zentzuzkoaren alde aritu gara, glutenik gabeko ogia egiteko, adibidez, aproposa da.  Antzeko funtzioa betetzen duen sendabelarra badugu gure artean, eta gaur honi egin nahi izan diogu tartea: plantaina (https://bizibaratzea.eus/sendabelarra...) (Plantago lanceolata). Psylliumen familiako beste ale bat, askoz ere baliagarriagoa eta interesgarriagoa iruditu zaiguna. Ikasturte honetako azken saioari amaiera emateko santio-belarrarekin (https://bizibaratzea.eus/sendabelarra...) (Hypericum perforatum) oleato bat egitea gomendatu dizuegu. Udan egin dezakegun lana da, eta altxor handia da kolore gorrixkako oleato hau etxean edukitzea.