Demtohet pallati 165 ne Kombinat, banorët: Inxhinieri tha qe eshte i qendrueshëm |ABC News Albania

Banorët e pallatit 165 shprehen se kishin marrë siguri që pallati i tyre nuk do të pësonte dëme dhe do ishte i qëndrueshëm. Në shkresën e bërë publike për ABC News ata kërkojnë që inxhinieri që ka vënë firmën të mbajë përgjegjësi. Tërmeti i fuqishëm që ka goditur vendin tonë mëngjesin e 26 nëntori ka shkaktuar panik dhe dëme materiale në kryeqytet. Në zonën e Kombinatit banorët e pallatit 165, shprehen se nuk do të futen brenda në banesa, për shkak të frikës së shembjes së shtëpive të tyre. Një nga banorët e pallatit 165, e cila nuk dëshiron që të flasë para kameras tregon për ABC News shkresën e firmosur nga inxhinieri sizmiologjik Agron Hysenlliu. Banorja e pallatit 165 tregon gjithashtu se Bashkia i ka dëmshpërblyer me shifra qesharake dhe të papërfillshme. E reja kërkon që të paraqiten në Kombinat konkretisht tek pallati 165, inxhinierët që t’u japin siguri banorëve që ndërtesa nuk do shembet. Banorët shprehen se nuk kanë siguri që pallati është i qëndrueshëm dhe se nuk kanë ku të shkojë. Ata kanë deklaruar se do të qëndrojnë jashtë pasi kanë frikë nga lëkundje të tjera tërmeti. /abcnews.al