Edi Rama inauguron lulishten dhe kompleksin sportiv në Kombinat - (13 Tetor 2002)

Lajme Arkiva - TV Klan 2002 Kryetari i bashkisë Edi Rama ka qenë mysafir në lagjen e Tiranës Kombinat. Dy objekte sociale janë inauguruar në prani të kryetarit të bashkisë dhe deputetes së zonës Monika Kryemadhi. Një lulishte kryesisht për të moshuarit dhe fëmijët e Kombinatit është inauguruar në saj të punës dhe kontributit të bashkisë. Rreth 2500 metra katror gjelbërim në Kombinat, janë rregulluar nga dy ndërmarrjet të Bashkisë Tiranë. Objekti i dytë i inauguruar nga Rama është edhe një kompleks sportiv i realizuar me kontributin e futbollistit të kombëtares Alban Bushi. Kryebashkiaku Edi Rama:- “Alban Bushi, ka qenë shumë i gatshëm që të marri përsipër këtë investim kaq të mrekullueshëm, që do t’i vlejë të gjithë fëmijëve të Kombinatit, ashtu sikundër edhe Igli ka marrë përsipër një investim tjetër po për fëmijët, në një vend tjetër të Tiranës. Lulishtja e re që inauguruam është vetëm fillimi i një sërë hapësirash të gjelbëruara që do t’i rikthehen Kombinatit, ashtu sikundër ne kemi filluar dhe besoj që në një kohë të shkurtër, do të mbarojmë përfundimisht dhe rrugën që lidh Kombinatin me Tiranën”. Tiranës i duhen këto objekte është shprehur Rama, prandaj do të doja që si Bushi të kontribuonin edhe të tjerë sportistë të kombëtares. Kështu i gatshëm është shprehur edhe Igli Tare. Më pas të ftuarit e nderit, kanë inauguruar portat e fushës me gola dhe shtylla./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/