MIRZACHO‘L TUMANIDA YOSHLAR UCHUN YARATILAYOTGAN SHAROITLAR — AMALDA

Tuman hokimi B.K. Mirzakulov yoshlar bilan birgalikda futbol o‘ynab, hatto raqib darvozaga gol urdi. Mirzacho‘l tumanida foydalanishga topshirilgan zamonaviy sport maydonchasining ochilish marosimi ko‘tarinki ruhda bo‘lib o‘tdi. Tadbir davomida tuman hokimi B.K. Mirzakulov yoshlar bilan samimiy muloqot qilib, ular bilan birgalikda futbol o‘ynadi. Bu esa yosh avlodni sportga keng jalb etish, sog‘lom turmush tarzini targ‘ib qilish hamda yoshlar bilan doimiy yaqindan ishlashga qaratilgan e’tiborning yana bir amaliy ifodasi bo‘ldi. Sport maydonchasida yaratilgan zamonaviy sharoitlar yoshlarning bo‘sh vaqtini mazmunli tashkil etish, ularning iqtidor va salohiyatini ro‘yobga chiqarishda muhim ahamiyat kasb etadi. Yoshlar bilan bir maydonda futbol o‘ynagan tuman hokimi B.K. Mirzakulov sport va sog‘lom raqobat insonni jismonan chiniqtiribgina qolmay, birlik, intilish va g‘alabaga bo‘lgan ishonchni mustahkamlashini ta’kidladi. Bugun yurtimizda yoshlar uchun yaratilayotgan imkoniyat va e’tibor — kelajak poydevorini mustahkamlashga xizmat qilmoqda. #news #analysis #interview #report #storytelling #videoreport