台語冷智識 - 思念的河一擺閣流一擺！「顛倒音」對流行歌的影響

更正 影片4：55的樂譜正確應為｜5 6 3 -｜ 這集台語冷智識要來討論有關流行歌曲「顛倒音」的問題，所謂「顛倒音」，意思就是歌曲的「詞」跟「曲」走向相反，一個往上，一個往下。  「聲調語言」中，不一樣的「聲調」就會產生不一樣的意思，因此如果歌曲中發生「倒音」，勢必就會造成聽歌的人聽不懂「歌詞」的意義，甚至還有可能造成誤會。   影片中，我們也介紹了一些基本避免「顛倒音」的訣竅，讓大家參考，當然實際創作歌曲的時候，還有更多需要注意的地方，也希望未來能有機會繼續跟大家分享囉！ FB粉絲專頁   / taigiaian   本影片字幕以中文呈現 附上台文字幕（漢羅合用），猶請列位前輩多多指教 --------------------------------------------------------- 逐家好，我是台語youtuber A-ian，歡迎收看"台語冷智識”節目，欲講今仔日的主題進前，提醒逐家今仔日討論的範圍有包括台語的基本聲調kap變調，所以若對台語聲調猶無熟手的朋友，愛會記得先轉去看咱進前的影片--喔！進入主題，今仔日的題目是 思念的河一擺閣流一擺…「顛倒音」對流行歌的影響 進前，咱佇“台語的七聲八調”影片中，有講過「聲調語言」kap「非聲調語言」的無仝，簡單講結論，就是聲調語言的聲調若無仝，意義就會完全無仝，袂使sa咧烏亂講，這個規則佇任何狀況攏愛遵守，包括咱逐家上愛聽的流行歌曲嘛仝款，所以一般寫台語歌的人，毋管是先作詞猶是先作曲，上尾欲共詞曲敆--起-來的時陣，攏愛斟酌檢查敢有存在「顛倒音」的問題，若按呢什麼是「顛倒音」呢？「顛倒音」簡單講就是詞本身的聲調kap曲行的方向倒擺，一個lak--落-來，一個tshìng懸，「顛倒音」會予人聽無歌詞欲表達的意義，較嚴重--的有可能會害人誤會，舉一例， 若是有一句歌詞「思念的河一擺閣流一擺」，作曲家作的曲若是”2221 1 32 3 2 1 32”，唱--起-來就是「思念的河一擺閣流一擺」，啊若寫做“2221 33 3 123”？，唱起來就是「思念的河xx閣xxx」 是毋是情境敢若無啥仝款，所以今仔日欲和逐家討論的就是 「顛倒音」對流行歌的影響 自1987年解嚴以後，台語歌的發展越來越多元，出現真濟無仝風格的作品，嘛因為愈來愈多元，開始出現一寡無仝理念的論戰，「顛倒音」的問題就是一例，一寡作者認為，流行歌曲予人「聽有」上重要，無論如何袂使有「顛倒音」的現象發生，曲kap詞的變化攏是百百款，絕對會使揣出一種毋但好聽閣予人聽有的來敆。 不過嘛有一寡新的寫作者認為，一直斟酌「顛倒音」的問題，詞kap曲可能攏會有一寡不得已的犧牲，不過就算是無咧避免「顛倒音」的這派，佇咧毋免“犧牲”的狀況之下，應該嘛會希望家己的作品是逐家攏聽有--的，所以，佇遮咱就來整理一寡寫歌避免「顛倒音」的鋩角來予逐家參考。 以咱進前介紹過的口訣「衫短褲闊 人矮鼻直」的孤字來看，扣掉海口音的「第六聲」，七聲內底，聲調tshìng懸ê長音是「第五聲」，所以曲若tshìng懸（寫做23），詞就會使tàu「第五聲」的字，譬如講「猴」、「銅」等等，若曲lak落去（32）硬欲寫第五聲就會「顛倒音」變做，「狗？」、「董？」 閣來聲調lak落去的長音是「第二聲」kap「第三聲」，尤其「第二聲」閣特別明顯，所以曲若lak落去（寫做32），詞就會使tàu「第二聲」的字，譬如講「短」、「反」，若曲是（23）硬欲寫「第二聲」就會「顛倒音」變做，「茶？」、「煩？」 啊若幾若字tàu作伙ê時陣--咧，頭一步就愛先注意「變調規則」，然後用「變調」了後的聲調來寫曲，舉一例，「gâu」「演」「戲」，這三字本底是第五聲、第二聲kap第三聲，以南部腔變調會變做，第七聲、第一聲kap第三聲的「gâu演戲」，若共三个聲調的懸度提來相比較，會發現「演」上懸，閣來是「gâu」，上kē是「戲」，寫曲的時陣，就愛創作出相對懸度仝款ê曲，別人毋才聽有，咱簡單舉兩个例：563「gâu演戲」，猶是351「gâu演戲」。 以上就是「顛倒音」對流行歌的影響，基本所愛注意的物件，盡量遵守規則你寫的歌就會有閣較濟人聽有，當然猶閣有足濟趣味的物件袂赴介紹，若有興趣請固定收看咱的影片，而且會記得tàu jī讚tàu分享，繼續支持“台語冷智識”喔 ，這个節目是由我A-ian本人製作，咱後回才閣見面，Ｂyebye 製作人： A-ian 口白： A-ian 音效： A-ian 背景音樂： A-ian 影像編輯： A-ian 特別感謝： 武雄 老師 李江却台語文教基金會 陳豐惠 老師