પેટની વાતો હૃદયથી ડૉ. સુનિલ પોપટની ખૂબ ઉપયોગી મુલાકાત| Ramesh Tanna |Navi Savar

નવી સવાર You Tube ચેનલમાં અમે શિક્ષકો અને કેળવણીકારોની સાથે સાથે નામાંકિત ડૉકટરોની મુલાકાતો પણ કરી રહ્યા છીએ. નવી સવાર You Tube ચેનલનો ધ્યાનમંત્ર છેઃ "સ્વસ્થ સમાજનું નિર્માણ" અને સમાજને સ્વસ્થ રાખવામાં ડૉકટરોનું મોટું પ્રદાન છે. ડૉ. સુનિલ પોપટ માત્ર ગુજરાતના નહીં, સમગ્ર ભારતના શ્રેષ્ઠ ડૉકટરો પૈકીના એક છે. આપણને, એટલે કે સામાન્ય લોકોને ખૂબ ઉપયોગી થાય તેવી આ મુલાકાત થઈ છે. જે જે લોકોને પેટ હોય અને જે જે લોકો જમતા એટલે કે ખાતા હોય તે દરેકને આ રસપ્રદ મુલાકાત જોવા માટે વિનંતી છે. તેમની નિધિ હૉસ્પિટલ (જેનું નામ તેમણે પોતાના માતા અને પિતાના નામના પ્રથમ અક્ષર પરથી રાખ્યું છે.) અમદાવાદના નવરંગપુરા વિસ્તારમાં આવેલી છે. તમે તેમનો 98250 09199 આ નંબર પર સંપર્ક કરી શકશો. પહેલાં મેસેજ મૂકજો અને પછી તેમની સાથે વાત કરજો કારણ કે સ્વાભાવિક છે કે ડૉક્ટરો સતત વ્યસ્ત રહેતા હોય છે. મહેરબાની કરીને પહેલાં તેમને સંદેશ- મેસેજ મૂકજો અને પછી જ એ તેમની અનુકૂળતાએ ફોન પર વાત કરજો. જો હજી સુધી તમે નવી સવાર You Tube ચેનલ સબસ્ક્રાઈ ના કરી હોય તો કરી લેજો. ખરેખર ખૂબ જ ઉત્તમ વીડિયો તમને જોવા મળશે. પૉઝિટિવ સ્ટોરીઝ શ્રેણીનાં દસ પુસ્તકો ઘરે બેઠાં મેળવવા WhatsApp કરો: 88496 09083 લેખકનો પરિચય: રમેશ તન્ના પત્રકાર, સંપાદક, લેખક, વક્તા અને સમાજસેવક છે. પહેલી ડિસેમ્બર, 1966ના રોજ ઉત્તર ગુજરાતમાં પાટણ જિલ્લાના સમી તાલુકાના અમરાપુર ગામમાં તેમનો જન્મ. માતા પ્રભાબહેન પાસેથી માતૃભાષા તથા સંવેદના, પિતા પ્રભુરામ પાસેથી ઉદારતા તથા સરળતા અને ગામ અમરાપુર પાસેથી સામાજિક દાયિત્વનો વારસો તેમણે ઝીલ્યો. બી.કૉમ થયા પછી તેમણે પત્રકારત્વ વિષયમાં પણ સ્નાતકની ઉપાધિ મેળવી. એ પછી મહાત્મા ગાંધી સ્થાપિત ગૂજરાત વિદ્યાપીઠમાંથી તેઓ પત્રકારત્વ વિષયમાં પારંગત (માસ્ટર) થયા. અહીં જ તેમણે બે વર્ષ પત્રકારત્વ વિભાગમાં પૂર્ણ સમયના વ્યાખ્યાતા તરીકે ફરજ બજાવી. સ્વતંત્ર રહીને સમાજ ઉપયોગી લેખન કરવાના પ્રયોજન સાથે તેમણે નોકરી છોડી. વિવિધ અખબારોમાં મુક્ત રીતે લખતા રહ્યા. થોડાં વર્ષો જીવનસાથી અનિતા જતકર સાથે 'અમદાવાદ ટુડે' સાપ્તાહિક અને 'સંગોષ્ઠિ ફીચર્સ એજન્સી'નું સંચાલન કર્યું. 1999થી 2013 સુધી, ચૌદ વર્ષ તેમણે અમેરિકાથી પ્રકાશિત થતા સાપ્તાહિક 'ગુજરાત ટાઇમ્સ'માં મનવાસ ભોગવ્યો. અહીં તેમણે પત્રકાર, પૂર્તિ-સંપાદક અને નિવાસી તંત્રી તરીકે ફરજ બજાવી. આદર્શ અને સત્ત્વશીલ સામયિકનું સર્જન કરવામાં તેઓ સફળ રહ્યા. સને 2013થી તેઓ મુક્ત રીતે લેખન કરે છે. ગુજરાતી ભાષામાં તેઓ પૉઝિટિવ પત્રકારત્વના પ્રણેતા ગણાય છે. તેઓ 1990થી સમાજોપયોગી, વિકાસલક્ષી અને વિધેયાત્મક લેખન કરી રહ્યા છે. સોશિયલ મીડિયામાં તેમણે 2013થી પૉઝિટિવ પત્રકારત્વનો પ્રારંભ કર્યો જેને વાચકો તરફથી સુંદર પ્રતિસાદ મળ્યો. તેમનાં પૉઝિટિવ શ્રેણીનાં પુસ્તકો સમાજમાં હકારાત્મકતા પ્રસારી રહ્યાં છે. તેની 55,000 પ્રતનું વેચાણ થયું છે. Facebook:   / ramesh.tanna.5   Instagram: https://www.instagram.com/navisavar?i... #PositiveStorieswithRameshTanna #dadabhagvansatsang #RameshTanna © All rights reserved with RAA Positive Media Private Limited 2024