StarTalk一氣呵成版｜《美食新聞報道》內容加碼 倪嘉雯盼為馬鞍山搣甩美食沙漠稱號

StarTalk一氣呵成版｜《美食新聞報道》內容加碼 倪嘉雯盼為馬鞍山搣甩美食沙漠稱號 每集為觀眾介紹各式美味同暖心故事嘅《美食新聞報道》，當中三位主持 林映暉 倪嘉雯 同 蔡景行，呢日就上到嚟《StarTalk》，同主席 詹可琳 分享全新時段播出嘅《美食新聞報道》將會有啲咩加碼內容！ 台灣通暉哥，除咗預告將會喺節目內介紹一間位於台灣、佢哋食完認為可以拯救世界嘅布甸外，暉哥亦喺香港為大家發掘唔少正宗台灣美食。節目播出至今已經有近一百集，故Carmen透露今次嘅加碼內容，眾主持將會衝出香港，去到台灣、越南、韓國、泰國等地介紹當地美食。 而留守香港嘅行仔，就會同 吳業坤 江嘉敏 姜皓文 同 柏天男 等星級飯腳，一齊搜刮香港美食。行仔話同呢啲星級飯腳每次都會袋好多錢入佢袋，例如同佢分析前路要點行，要做真實嘅自己等，令佢獲益良多。 馬鞍山被稱為「美食沙漠」，不過當區居民Carmen就話，自從拍咗呢個節目後，自己都會去多咗唔同小店搵食，希望搵到好食嘅小店再推介畀節目組，從而幫馬鞍山搣甩「美食沙漠」呢個名。 唔好以為做美食節目嘅主持就一定可以大飽口福，其實佢哋都有啲「辛酸」係觀眾唔知嘅，好似暉哥就話由於每日都會去3至4間餐廳拍攝，每次拍到中段小腹就已經有啲凸起，所以為咗美觀，暉哥每次都係空肚去現場拍攝。而Carmen亦有類似經歷，佢話最初拍攝時唔識節制，遇到好食嘅餐廳就不停食，就連導演勸阻都唔理，仲豪言叫大家放心自己好大食，點知拍到最後一間餐廳時，眼闊肚窄嘅Carmen就飽到食唔落。 講到拍攝節目後嘅得着，行仔就話自己增磅5KG，雖然暫時仲係脂肪，但佢就叫觀眾一齊見證佢之後將脂肪練火成肌肉。自稱對食方面冇咩要求嘅Carmen，就話自己拍咗節目後佢嘅味蕾敏感咗，開始懂得享受美食，另外就係佢哋去過嘅小店，之後生意都會好咗，令Carmen覺得好似間接幫到飲食業。長期喺台灣生活嘅暉哥，就話因為節目而去多咗好多小店，同時連久疏於使用嘅廣東話都有進步。 《美食新聞報道》1月6日起 逢星期一、二、四、五晚 20:00 TVB Plus #StarTalk #一氣呵成版 #美食新聞報道 #蔡景行 #倪嘉雯 #林映暉 #內容加料 #全新播出時間 #行仔 #Carmen #暉哥 #星級飯腳 #拯救世界布甸 #馬鞍山 #搣甩 #美食沙漠稱號 #小店 #廣東話 #大食 #眼闊肚窄 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0