StarTalk｜《美食新聞報道》加料每周播四晚 年輕主持分享拍攝有趣故事

StarTalk｜《美食新聞報道》加料每周播四晚 年輕主持分享拍攝有趣故事 《美食新聞報道》唔止每集為大家介紹各式美味，幾位主持同製作團隊成員仲會介紹唔同暖心故事，近日唔止有全新出時間，內容亦同時再加碼，而幾位主持 蔡景行 倪嘉雯 同 林映暉 呢日就現身《StarTalk》同 詹可琳 分享拍攝故事。 暉哥先出手，原來佢早前已經帶隊飛去佢至熟嘅台灣，為大家介紹當地數之不盡嘅美食，仲一嘗連台前幕後食過都讚同可以拯救世界嘅布甸。至於Carmen為大家介紹泰國篇時，就指黃嘉旻將為大家推介當地嘅引人垂涎美饌喇。 雖然行仔今次冇機會出埠，不過就會同 吳業坤 江嘉敏 姜皓文 同 柏天男 等嘉賓，一齊搜刮香港未為人知嘅特色美味喇。 美食節目好嘢次次都擺到一枱都係，不過行仔就尚欠經驗，第一次拍攝時食飽早餐先到場，最後就梗係望美食輕嘆，仲被拍檔同導演笑。行仔仲研究出一個小秘訣，每次拍攝前先飲汽水補充糖粉，正式開始時自然就有胃口開懷食喇。 但係對女主持嚟講就比較多避忌喇，暉哥就指要靠健身Keep Fit，因為連拍9日由朝食到晚，雖然事前減足5kg先出發，但係最後都要靠攝影大佬嘅角度遷就，非常搞笑。而Carmen同樣指雖然磅數未變，不過肚腩仔原來早已靜靜雞報到，所以都要努力改善喇。 長期喺台灣生活嘅暉哥，今次返港調轉發現唔少大好味，仲連久疏於使用嘅廣東話都有進步。至於Carmen就話自己學識食好嘢，而令店鋪變成排隊人龍店，仲令大家都非常有成功感呀。 《美食新聞報道》全新播出時間：星期一、二、四、五晚 20:00 TVB Plus #StarTalk #美食新聞報道 #蔡景行 #倪嘉雯 #林映暉 #內容加料 #全新播出時間 #行仔 #Carmen #暉哥 #星級飯腳 #拯救世界布甸 #開工前飲汽水 #連食9日 #驚現小腹 #排隊店 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0