Namanganda Sanoat xavfsizligi bo'yicha seminar

Namangan viloyatida yoqilg‘i quyish shoxobchalari faoliyati xavfsizligini oshirishga qaratilgan o‘quv-seminar tashkil etildi Namangan viloyatida yoqilg‘i quyish shoxobchalari rahbar va muhandislari uchun viloyatdagi mas’ul tashkilotlar ishtirokida amaliy va o‘quv-seminar o‘tkazildi. 📊🛠 Seminar davomida shoxobchalar faoliyatida texnologik jarayonlarni to‘g‘ri tashkil etish, amaldagi sanoat va texnik xavfsizlik qoidalariga qat’iy rioya qilish hamda ishlab chiqarish jarayonlarida inson omili bilan bog‘liq xatarlarni kamaytirish masalalariga alohida e’tibor qaratildi. ⚙️🧯 Shuningdek, so‘nggi yillarda yoz mavsumida tez-tez kuzatilayotgan avariya va baxtsiz hodisalar tahlil qilinib, ushbu holatlarning kelib chiqish sabablari hamda ularni oldini olish bo‘yicha amaliy tavsiyalar berildi. 📉⚠️ Mutaxassislar tomonidan xavfsizlik normalariga rioya etish, texnologik intizomni kuchaytirish, favqulodda vaziyatlarda tezkor harakat qilish tartiblarini to‘g‘ri tashkil etish hamda profilaktik choralarni kuchaytirish zarurligi alohida ta’kidlandi. 🧯🚨 Seminar doirasida O‘zbekiston Respublikasi Vazirlar Mahkamasining 2026-yil 18-iyundagi 315-son qarori mazmun-mohiyati va amaliy ahamiyati ishtirokchilarga batafsil yetkazildi. 📑🏛 Mazkur qaror asosida sohada xavfsizlik talablarini kuchaytirish, nazorat mexanizmlarini takomillashtirish hamda texnologik jarayonlarni standartlashtirish bo‘yicha yangi yondashuvlar joriy etilishi belgilanganligi qayd etildi. Tadbirda qo‘mita hududiy boshqarmasi boshlig‘i hamda davlat inspeksiyasi vakillari ishtirok etib, yoqilg‘i quyish shoxobchalari faoliyatida xavfsizlik madaniyatini oshirish, nazoratni kuchaytirish va profilaktik ishlarni tizimli yo‘lga qo‘yish bo‘yicha tegishli ko‘rsatmalar berishdi. 👷‍♂️📌 Yakunida bunday o‘quv-seminarlar soha xodimlarining bilim va malakasini oshirish, xavfsizlik talablariga rioya etish darajasini mustahkamlash hamda favqulodda holatlarning oldini olishda muhim ahamiyat kasb etishi ta’kidlandi. 📊🤝