MAFURIKO YAHARIBU HOSTEL YA WANACHUO MTWARA| HAWANA CHAKULA, MAVAZI WAIANGUKIA SERIKALI

Jumla ya Wanachuo 35 ambao wote ni wakike wa Chuo kikuu cha saut na wale wa Chuo cha Utumishi wa umma kutoka mkoani Mtwara, kwa masikitiko makubwa wamepaza sauti zao na kuomba msaada baada ya mafuriko kuvamia Hosteli wanayoishi ya Prorata Mtaa wa Kiyangu B maeneo ya Bima Manisapaa ya Mtwara Mikindani usiku wa Februali 3 2025, kutokana na Mvua zinazoenelea kunyesha na kusababisha athari mbalimbali ikiwa ni pamoja na kubomoka kwa ukuta wa uzio wa Hosteli hiyo na kuzorotesha usalama wao, kuharibika Vyakula vyao, kupoteza simu zao, Madaftari yao kusombwa na kujikuta wakiwa hawana la kufanya na wengine maisha yao ni tia maji tia maji. Akizungumza na Faida Online tv Watu wa Field, Diwani wa Kata ya Shangani Mhe. Abuu Mohamed Abdallah, akiwa katika eneo la tukio amesema hali hiyo imesababishwa na uwepo wa kifusi kilichopo barabarani karibu na eneo hilo kwa ajili ya ukarabati wa Barabara ambacho kinazuia maji kupita kwenye mkondo wake, huku akisisitiza kuwa kifusi hicho kimeanza kuondolewa na Mkandarasi chini ya usimamizi wa TARURA baada ya athari kutokea. Faida Online tv watu wa Field tumefika katika eneo hilo na kujionea hali ilivyo huku Mabinti hao wakionekana kukosa amani mithiri ya vifaranga vilivyotelekezwa na mama kuku, Mabinti hawa, kati yao wapo wanaotembea na funguo za mafanikio yao na Familia zao kwa ujumla, wapo wanaosomeshwa kwa michango ya ukoo mzima ambapo fedha ya matumizi ikitumwa leo, nyingine ni mpaka mwezi ujao, Bila kupatiwa msaada wa hali na mali wataishije na ikizingatia kuwa ni Watoto wa kike. Nae Ndugu Maulid Mwisho ambae ni kaimu Meneja wa TARURA wilaya ya Mtwara amesema uwepo wa kifusi hicho sio sababu ya athari iliyojitokeza, Lakini baada ya malalamiko hayo tayari wamechukua hatua ya kuondoa kifusi hicho, ili kupunguza mrundikano wa maji yaliyokuwa yakituama. SUBSCRIBE YOUTUBE CHANNEL YA FAIDA ONLINE TV ILI KUPATA HABARI ZETU