WAZIRI MAVUNDE AWATAKA WANAZUONI KUISAIDIA SEKTA YA MADIN

Waziri wa Madini, Mheshimiwa Anthony Mavunde, amewataka wanazuoni nchini kuwa sehemu ya upatikanaji wa suluhu za changamoto zinazoikabili sekta ya madini ili kusaidia ukuaji wa sekta hiyo na kuongeza manufaa kwa wananchi na Taifa kwa ujumla. Mhe. Mavunde ameyasema hayo leo Juni 9, 2026 jijini Dar es Salaam wakati akifungua Wiki ya 11 ya Ubunifu na Utafiti iliyoandaliwa na Chuo Kikuu cha Dar es Salaam (UDSM). Akizungumza katika hafla hiyo, Waziri Mavunde amesema amefurahishwa na miradi na programu mbalimbali za ubunifu zinazotekelezwa chuoni hapo ambazo zimekuwa zikichangia kutoa ajira kwa wahitimu pamoja na kutatua changamoto zinazojitokeza katika sekta mbalimbali ikiwemo sekta ya madini. Aidha, amesema Serikali ya Awamu ya Sita chini ya uongozi wa Rais Dkt. Samia Suluhu Hassan imeweka mkazo katika kuongeza fursa za ajira kwa vijana kupitia ubunifu, tafiti na matumizi ya teknolojia. KITUO KINACHO JIHUSISHA NA HABARI MBALIMBALI ZA KIJAMII NA KUELIMISHA UMMA KUHUSU MATUKIO YANAYO JIRI KILA WAKATI HAKIKISHA UNA SUBSCRIBE CHANEL YETU USIPITWE NA TUKIO LOLOTE HAPA NCHINI ( Email: [email protected](+255752268249 / +255785537878)