PMPK Plus Ep#123 “Sabi ng Lola Mo, Sabi ng Lolo Ko”

Qverview: Sila yung kapag kasama mo sa bahay ay makulit at maingay. Ang daming napupuna, ang daming napapansin. Pero mapagmahal. Nakikinig at kadalasa’y Pusong Mamon. At hindi lang yun, wala namang trabaho, pero bakit ganun, marami silang ipon. Minsan, siya ang iyong tagapagtanggol kina Mommy at Daddy, pero kapag ikaw ay sumablay, hindi ka niya kukunsintihin, Puti na ang buhok, nirarayuma na at meron ng Maintenance, at sa gabi ay may ipinapahid nang langis. Mahina na ang tenga at madalas nang nalilimutan kung nasaan na ang salamin sa mata. Marami ay mayroon nang false teeth pero kahit ano pa ang sabihin, nakakangiti pa rin. Mahal na mahal nila ang kanilang mga apo at ang balita ko, ang mga bata raw na lumaki sa kanila, kadalasan, disiplinado, matitino. Kilala mo na ba kung sino sila na kasama natin sa Pamilya? Yes, ang ating mga Lolo at Lola. Palakpakan naman dyan. Last time, narinig natin ang tinig ng mga kabataan. Nuong mga nakaraan, ang usapan naman ay tungkol kina Mommy at Daddy. Kaya naman ngayon, Heto na at pasalubungan natin ng isa pang masigabong palakpakan…dito lamang sa Pamilya Ko, Pamilya Ko Plus.. Ang ating mga panauhing Lolo at Lola sa ating paksang- SABI NG LOLA MO, SABI NG LOLO KO.