PMPK Plus Ep#121: “DREAMS, FEARS, PROCASTINATION AND PRIORITIES”

OVERVIEW: Bagong taon, bagong buhay. Ito ang kasabihan. Subalit, may nagbago nga ba? Nasabi na natin nuon, ang lahat ay nagsisimula sa pamilya. At sa pamilya, may isang ina, may isang ama. Kapiling ang kanilang mga anak na harinawa’y lumaking mabuti, may takot sa diyos at may paggalang sa kapwa. Sa pagsisimula ng pamilya, ang magsing-irog ay manunumpa sa dambana ng Diyos at sa harapan ng tao. Bagama’t nangangarap at umaasa, karaniwa’y may takot, may pangamba. May mga pag-aalala. Saan magsisimula, paano mag-uumpisa. Dahil wala namang paaralan para sa magsisipag-asawa. Kaya ang tanong, sa pagbubuo ng pamilya, ano nga ba ang dapat unahin? Alin ang mas mabuting pasimulan kaagad? O baka naman pwedeng mamaya na lang o kaya naman ay bukas na lang. Mga kaibigan, ang mga kasagutan ay bibigyang paliwanang ng ating mga piling panauhin sa ating unang paksa ng taon - “DREAMS, FEARS, PROCASTINATION AND PRIORITIES.” Dito sa ating palatuntunang - Pamilya Ko, Pamilya Mo Plus.