Khit Thit Afternoon News | March 24, 2026

Khit Thit သတင်းဌာန၏ မတ် ၂၄ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၄ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ အကြမ်းဖက် မင်းအောင်လှိုင် ဆေးရုံတက် ခွဲစိတ်ကုသမှု ကို လျှို့ဝှက်လုပ်ဆောင်ခဲ့တာဖြစ်ပြီး စစ်တပ်ထဲမှာတောင် အဲ့ဒီလို ဆေးရုံတက်ကုသမှုကို မသိရှိခဲ့ကြဘဲ အောင်မြင်မှသာ သတင်းထုတ်ပြန်လာ တာလို့ နေပြည်တော်စစ်ဘက်သတင်းရင်းမြစ်က ပြောပါတယ်။ မကွေးတိုင်း၊ နတ်မောက်မြို့ နဒီရွှေဝါမြို့ဝင်ဂိတ်ကို ဝင်ရောက်တိုက်ခိုက်ခဲ့တာကြောင့် ကား ၁ စီး အပါအဝင် ကွန်ပျူတာ၊ ဖုန်းနှင့် ငွေကြေးတွေ သိမ်းဆည်းရရှိခဲ့တယ်လို့ နတ်မောက်မြို့နယ် ပကဖ တာဝန်ခံ အဆိပ်သီးက ရန်ကုန်ခေတ်သစ်ကို ပြောပါတယ်။ ထိုင်းနိုင်ငံ၊ တာ့ခ်ခရိုင်၊ မဲဆောက်မြို့နယ် နယ်စပ်ဒေသမှာ မြန်မာနိုင်ငံဘက်ကို တရားမဝင် ပို့ဆောင်ဖို့ ပြင်ဆင်နေတဲ့ ဒီဇယ်ဆီ လီတာ ၂၀,၀၀၀ တင်ဆောင်လာတဲ့ ဆီတင်ယာဉ်တစ်စီးကို ထိုင်းအာဏာပိုင်တွေက ဖမ်းဆီးအရေးယူလိုက်ပါတယ်။ အီရန်နဲ့ ဆွေးနွေးမှုရှိနေတယ်လို့ အမေရိကန်သမ္မတထရန့် ပြောဆိုမှုအပေါ် အီရန်ဘက်က ပြတ်ပြတ်သားသား ငြင်းဆိုလိုက်ပါတယ်။ အမေရိကန်သမ္မတ ထရန့်က အီရန်အရာရှိတွေနဲ့ စကားပြောဆိုမှုတွေ အဆင်ပြေနေတယ်လို့ အကြောင်းပြပြီး အီရန်ရဲ့ လျှပ်စစ်ဓာတ် အားပေးစနစ်ကို ဗုံးကြဲမယ့်အစီအစဉ်ကို ခေတ္တဆိုင်းငံ့လိုက်တဲ့ သတင်းအပါအဝင် နေ့လယ်ပိုင်းသတင်းတွေကို တင်ဆက်ပေးပါမယ်။