ساوردو مكس دقيق ابيض مع حبة كاملة خطوات بالتفصيل

) ​"في عالم سريع ومستعجل، الساور دو بيعلمنا نبطّأ.. بيعلمنا إن الحاجات الحلوة بجد محتاجة وقت، صبر، وحب. ​ريحة العيش وهو في الفرن مش مجرد ريحة أكل؛ دي ريحة بيت، دفا، وأمان. اللقمة دي مش مجرد دقيق ومية.. دي حكاية وقت وتفاصيل اتعجنت بحب علشان تطلع بالجمال ده .الخبز المظبوط للساور دو (Closed Bake & Open Bake): 🥖 طريقتين للخبز عشان تطلعوا بأفضل نتيجة، اختاروا منها اللي يناسبكم: ⏰ الخطوة الأساسية (التسخين المسبق): بنسخن الفرن لمدة ساعة كاملة على حرارة من 230 لـ 250 (على حسب فرنك)، وجواها حلة كاست أيرون لو هنخبز (Closed Bake) أو بلاطة حرارية وتحتها صينيةةفاضية لو هنخبز (Open Bake). بعد مرور الساعة، بنبدأ الخبز: 1️⃣ الطريقة الأولى: الخبز بالغطا (Closed Bake) بندخل العيش في حلة الداتش أوفن أو الحلة الصاج السخنة. بنبخ عليها بخة مية أو بنحط مكعب ثلج معاهاتحت ورقة الزبدة كمصدر للبخار ونغطي الحلة لمدة ثلث ساعة. بعد مرور الثلث ساعة، بنشيل الغطا وبننزل الحرارة 10 درجات (يعني من 250 لـ 240، أو من 230 لـ 220) وبنخبز بدون غطا لمدة ثلث ساعة تانية.لحد ما العيش ياخد لون دهبى 2️⃣ الطريقة الثانية: الخبز المكشوف (Open Bake) بندخل العيش على البلاطة السخنة، وبنصب فى الصينية مية سخنة بتغلي لمدة ثلث ساعة (عشان البخار). بعد مرور الثلث ساعة، بنشيل صينية المية وننزل الحرارة ١٠ درجات ونسيب العيش يكمل خبز وياخد لون ذهبي لمدة ثلث ساعة أخرى ​صباحك دافي بريحة الخبز اللي بتطبطب على القلب. 🤎"