Fatos Nano jep dorëheqjen si kryetar i PS pas humbjes së zgjedhjeve të 3 korrikut - (1 Shtator 2005)

Lajme arkiva 2005 Fatos Nano ka pranuar humbjen dhe ka dhënë dorëheqjen nga posti i kryetarit të Partisë Socialiste. Fatos Nano: “Kam vendosur që t’i qëndroj besnik moralit dhe filozofisë time politike. Të marr përgjegjësitë që më takojnë për situatën e krijuar dhe të largohem nga drejtimi i Partisë Socialiste. E marr këtë vendim jo vetëm për të respektuar standardin fundor të sjelljes së autoriteteve politike në demokracitë e përparuara lidhur me zgjedhjet, por sidomos për t’u distancuar në mënyrë të qartë dhe përfundimtare nga dhuna dhe abuzimi me zgjedhjet dhe me pushtetin e degjelitimizuar nga manipulime elektorale. Në këtë luftë që kam zhvilluar me të gjitha fuqitë e mija si në mazhorancë dhe në minorancë më vjen keq dhe jam i ndërgjegjshëm që ka ende një numër përfaqësuesish në Partinë Socialiste të shqipërisë dhe në politikën shqiptare që abuzojnë me besimin dhe imunitetin politik dhe që karakterizon nga mungesa e grupeve, principeve dhe e moralit të shërbimit ndaj qytetarëve.” Në një deklaratë për shtyp që zgjati më pak se 15 minuta, ish kryeministri nano ka bërë komentin e tij mbi humbjen e zgjedhjeve të 3 korrikut dhe të ardhmen e partisë socialiste në opozitë. Duke mos pranuar pyetje nga gazetarët Fatos Nano ka mbyllur këtë moment historik pa marrë asnjë përgjegjësi mbi vete. Megjithëse ka qenë kryeministri i tre viteve të fundit numri 1 i mazhorancës dhe njeriu që organizoi dhe drejtori të gjithë fushatën elektorale Fatos Nano ka larguar çdo përgjegjësi për humbje nga vetja duke ia veshur atë opozitës, Lëvizjes Socialiste për Integrim dhe aleatëve të majtë. Madje edh medias për humbjen e partisë Socialiste. Duke mos evituar të ndalet në modelin e qeverisjes dhe korrupsionit rekord si dy shkaqet kryesore për disfatën opozitës së majtë. Fatos Nano: “Skema profesionale e manipulimit të zgjedhjeve nga partia demokratike është përqendruar në përdorimin masiv të certifikatave false në qytete të mëdha duke abuzuar me emrat e votuesve emigrantë dhe të atyre jo rezident që në përdorimin e grupeve të armatosura për të kërcënuar votuesit dhe komisionerët e Partisë Socialiste në të gjithë vendin. Parregullsitë e tyre mbi bazën e një skeme manipulimi kanë pasur ndikim të ndjeshëm në rezultatin përfundimtar duke ndryshuar rezultatin në 10 deri në 15 zona zgjedhore në mazhoritar në favor të Partisë Demokratike.” Fatos Nano me këtë koment ka shënuar ndoshta rastin e parë në një vend demokratik ku opozita akuzohet për manipulimin e zgjedhjeve. Në një kohë kur kompetencat për mbarëvajtjen e tyre i takojnë qeverisë. Fatos Nano: “Çarja e votave të së majtës për shkak të LSI-së dhe të sjelljes kaotike të disa prej aleatëve tanë ka ndikuar në humbjen e mazhorancës absolute dhe të asaj relative nga partia socialiste.” Ndërkohë edhe në këtë justifikim të dytë fatos Nano nuk sqaroi se kush ishte shkaku i çarjes së Partisë Socialiste dhe përjashtimi të drejtuesve aktual të lëvizjes Socialiste për Integrim nga Partia Socialiste në kongresin e vitit 2003. Deputeti i rikonfirmuar i Partisë Socialiste Fatos Nano në konferencën e fundit për shtyp në selinë e kryeministrisë ka shpjeguar edhe rolin e tij pas dorëheqjes nga kryesimi i selisë rozë duke ai lënë përkohësisht udhëheqjen e forumeve partiake sekretarit të përgjithshëm Gramoz Ruçi. Fatos Nano: “Do të jem në krah të të gjithë militantëve të progresit. Të kolegëve të simpatizantëve të mi të shumtë si dhe të gjithë faktorëve të tjerë që do të vazhdojnë betejën për shfaktorizimin e dhunës si faktorë pushteti dhe të korrupsionit si element pasurimi e një karriere të paligjshme./tvklan.al Gazetare: Arta Tozaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/