جربت اسوي أشهر الوصفات الكورية في البيت🍱🇰🇷

ساندوتش الفراولة🍞🍓: نخفق الدريم ويب مع الحليب زي ماهو مكتوب عالكرتون ونبرده في الثلاجة شوي ،ثم ناخذ التوست ونقطع الاطراف ونحط طبقه كريمه ثم فراولة ثم كريمة وبعدين حبة التوست الثانية ونغلفها بنايلون وندخلها الثلاجة مدة…وبس بالعافية💕 _______________________________________ فواكة السكر (التنغولو)🍓🍊 نغسل الفواكة الي بنستخدمها ثم ننشفها من المويه بمنديل. نذوب كوب سكر مع نص كوب مويه لحد ما يغلي ويتغير لونه ثم نحط الفواكة فيه، ثم نحطه في مويه وثلج عشان يتجمدون اسرع. ________________________________________ فطاير الهيتوك🧇🤎 كوب حليب دافي وملعقة خميرة وملعقة سكر ونحركهم شوي ثم نضيف كوبين دقيق وشوي زيت ثم نعجنهم ونخليهم يرتاحون ٣٠ دقيقة(اذا حسيتم شيء ناقص او زايد زيدوا المكونات)، بعدين ندهن يدنا بزيت ونحشي العجينة سكر بني و قرفة او جبنة ثم نبدأ نقليهم بالزيت من الجهتين لين يتحمرون…وبس بالعافية💕. ________________________________________ الكيمتشي( على طريقتي)🌞🌶️ اولاً نقطع الملفوف ونغسله ونحط عليه ملح ونخليه ساعتين على جنب. ثاني خطوة على النار نحط مويه بارده وملعقتين دقيق الرز او نشا ثم سكر ونخليه على جنب يبرد. للخلطة :نص بصله وثوم وزنجبيل و ربع كوب خل ونخلطه بالخلاط ،ثم ننقله في صحن عميق ونزيد عليه ملعقة كبيرة فلفل وبصل اخضر وجزر وصلصة طماطم وكاتشب. بعدين نحط الملفوف عالخليط ونقلبه كويس، ثم نحطه في علبة لحفظ الطعام ونخليه برا الثلاجة في مكان مظلم لثلاثة ايام ثم ندخله الثلاجة…وبس يصير جاهز للاكل✨ ________________________________________ النودلز🍜🥢 نسلق النودلز لحد ما ينجح ونخليها على جنب. في طاوة نحمس بصل وثوم وملفوف وجزر وفلفل حسب الرغبة، ثم نحط عليها صويا صوص وملح وفلفل اسود وبهارات مشكلة ونحط شوي من موية السلق. بعدين نحط النودلز بعد ما نصفيها على الخضار الي سويناها ونقلبهم كويس…وبس بالعافية✨ (الافضل تشوفون مقاطع كيف الكوريين يسوون وصفاتهم بالتفصيل وتسونها من نفسكم)