LIAM DEBONO JINŻAMM ARRESTAT.

ONE.COM.MT • L-għada tal-inċident li kexkex pajjiż sħiħ u ġab l-għadab ta’ bosta, Liam Debono, żagħżugħ ta’ sbatax-il sena minn Ħal Tarxien ma ngħatax il-ħelsien mill-arrest wara li dalgħodu tressaq il-qorti mixli bi tlieta u għoxrin akkuża bl-aktar waħda gravi tkun li pprova joqtol lill-Pulizija Simon Schembri. Dan wara li allegatament saq għal fuqu u kaxkru mal-erba mitt metru wara li pprova jwaqqfu meta kien qed isuq karozza bla liċenzja u mingħajr iċ-ċintorin tas-sigurtà. One News jinsab informat li Schembri, missier ta’ tlett itfal għadu jissielet għall-ħajtu fit-Taqsima tal-Kura Intensiva kawża tal-ġrieħi serji li ġarrab.